XIDAL gudx de Canaán rioʼyibu puext par tíilyibu né Israel. Raluladxyibu que gonyibu gann. Per buñ ni rabés lainy gudx Gabaón diti raluladx. Raluladxyibu que Dios ngú ni racné a Israel, né diti nainy layibu guicalóyibu Dios. ¿Nanlo xí rony gabaonitas la?

Radxiinyibu toib acuerdo que gonyibu sani sieedyibu de toib lagary nigolú sit. Por ngú tipnésyibu roc lairy yox né racañeʼ galguit yox. Ragoʼoyibu xporyibu pór sac yox né rinéyibu páa ni ma rioy né nachóngni. Ór cú rieyibu ronoʼ Josué né raniyibu: Sieldo de toib gudx nigolú sit portín bicadiagdo guirá ni ma buny Dios xtunyto, Jehová. Bicadiagdo guirá ni bunybu por lóoto órni goyoʼto Egipto. Né buñ ni rasanir lainy xcudxdo gochyibu lóodo ñonytzaaydo galrro par ninédo ló néz né ñaibydo lóoto ndeʼ: Lóodo nacdo xomósto. Biduidy xtiitzlo que diti tíilto né lóodo. Lóoto labúu rabíto que xhapdo ma biooxni portín nigolú sit sieldo, né páa ni bitnédo ma rioyni né ma páa chóng láani.

Josué né ancianos de Israel raluladxyibu ni raniʼ gabaonitas. Por ngú raduidyibu xtiitzyibu que diti tíilyibu né layibu. Radudy tzón govitz, layibu raduidyibu cuent que gabaonitas rabés gahx ro dxeeyibu.

Josué ranabdiitz layibu: ¿Xigony góochto lóodo que sieedto de toib gudx ni noʼ sit?

Gabaonitas racapyibu: Portín goyoʼ ni góoch lóodo que Dios xtunyto, Jehová, goní que guicaʼto guidopynac Canaán. Né lóodo bidzuibydo nagaityto lóodo. Israelitas bunyibu ni goníyibu diti bigaityibu gabaonitas. Xalagary de nagaitybu gabaonitas ronyibu guirá ndeʼ xomósyibu.

Buñguieeu ni rony mandary Jerusalén radzuitznébu gabaonitas portín ma gocyibu toibsi né Israel. Buñguieeu ni rony mandary Jerusalén raibybu a tap buñguieeu ni láaca rony mandary stipnés gudx: Goltaʼ né colgacné naʼ par guicalóno Gabaón. Né gáay buñguieeu reʼ ngú ni rony. ¿Góc gabaonitas buñ ni naní xcalrrien por ni gocyibu toibsi né Israel, nigoreʼ que gáay buñguieeu ni rony mandary stipnés gudx ná guinitló layibu la? Guibino guidoni.