Golú ejemplos ni nayadit. Bisuʼ mod buny Jesús: biquiin cós ni diti nagan par cuéxalo cós ni nigolú nagan. Diti guiquiinlo xidal diitz ni guisac nagan buñ guieen. Cuá cuidad que ejemplo ni caniʼlo guidzakni né ni nainy guisuidylo par diti guirel xpensary buñ.

Buny pensary lóo buñ ni cacadiag looy. Bisetlaa ejemplos ni buñ rimbu o ni buñ rioladx. Gop cuidad par diti guituidylo buñ ló galnatoy.

Golexa punto ni nainy looy guisuidylo. Bisetlaa ejemplos par cuéxalo puntos ni más rareʼ loguiaʼ, diti stipnés cós. Cuá cuidad que buñ ni cacadiag looy guisetnaladx ni nainy looy guisuidylo layibu, diti nosi guisetnaladxyibu ejemplo ni goniʼlo.