LESIONY 38
Guidudyno guixquix por ni nabanyno
Nabanyno sacró. Dada órni cacalóno galnagan labúu guibaladxno né tipnés cós ni napno. ¿Ximod labúu guislooyno que radudyno guixquix Jehová por galrrascad reʼ? ¿Né xí razón ni más rasac napno par gonyno láani?
1. ¿Xigony non guisac vida par lóono?
Non guisacni par lóono portín nacni xcalrrascad Jehová, ni nac Bixiosno. Portín ronoʼbu «ralainy vida», láabu bisaʼbu guirá ni nabany (Salmo 36:9). «Por láabu nabanyno né racaʼno buu né napno guiráxadit cós» (Hechos 17:25, 28). Scú láani, Jehová radudy guirá ni caquiinno par labúu guibanyno. Per diti nosi ndeʼ, láaca ronybu que guibaladx xcalnabanyno laʼga nabanyno (bíil Hechos 14:17).
2. ¿Ximod labúu guislooyno Jehová que nigolú rasac vida ni ma biscadbu lóono?
Desde órni xinaʼlo ma góc xiin looy, Jehová ma rioʼ galrrasaʼ por looy. David goniʼ ndeʼ ló toib oración: «Bisalólo bibiʼ naʼ dada órni cayaʼya lainy xinaʼya» (Salmo 139:16). Vida xtunylo nigolú rasacni par Jehová (bíil Mateo 10:29-31). Nasioʼobno xcalnabany Jehová pal nompa ñonyno nagaityno stoib buñ, o pal nagaityno lóocano (Éxodo 20:13). a Né láaca nasioʼobno xcalnabany Jehová pal nompa ñonyno ñoʼno ló riesga, né pal diti ñapno cuidad nagoʼno ló riesga stipnés buñ. Órni ranno lóocano né rapno respet vida xtuny stipnés buñ, raslooyno que nigolú rasac vida ni biscad Jehová lóono.
NANOY GUISUIDYNO LÁANI
Guisuidyno tipnés mod ni labúu guislooyno que radudyno guixquix por vida ni napno.
3. Gop cuidad looy par diti guixoʼlo
Cristianos ni rony xinésni ma bidudyibu xtiitzyibu gonyibu ni ná Jehová, raquiinyibu vida xtunyibu mod ná Jehová. Nacni xomod ñonycuentyibu láacayibu xomod toib galrrascad ni nayaa, por ngú raquiin ganyibu láacayibu. Colgoʼol Romanos 12:1, 2 né colgooy xtiitzni:
-
¿Xigony non ganlo looy par diti guixoʼlo?
-
¿Ximod labúu gonylo láani?
4. Gop cuidad par diti tzoʼlo ló riesga nili coʼlo ló riesga stipnés buñ
La Biblia raiby lóono gapno cuidad né nitisi cós ni labúu coʼ riesga lóono né stipnés. Colguibiʼ VIDEO reʼ né colguicaa cuidad xi labúu gonyto par diti tzoʼto ló riesga.
Colgoʼol Proverbios 22:3 né colguiniʼ xi labúu gony toib buñ par diti tzoʼbu ló riesga órni...
-
... noʼbu lidxbu.
-
... noʼbu ló xchiimbu.
-
... raguitbu.
-
... caxonybu camión o seebu lainy camión.
5. Gop respet vida xtuny toib badaʼyen ni yása gál
David goniʼ toib mod sacróyen mod rasac Jehová órni toib badaʼyen cayaʼ lainy xinaʼ. Colgoʼol Salmo 139:13-17 né colgooy xtiitzni:
-
Par Jehová, ¿pu dzú rasaló rabany toib buñ: órni rálbu la, ó órni rac xiin xinaʼbu?
Leyes ni bidudy Jehová a gudx Israel ló dzú ni see gopni guirá buñgonaʼ ni nac xiin né badaʼ ni noʼ lainybu. Colgoʼol Éxodo 21:22, 23 né colgooy xtiitzni:
-
¿Ximod bibiʼ Jehová órni toib buñ ni rasaclóo toib desgrasy ragaity toib badaʼyen ni yása gál?
-
Né ¿ximod rasac Jehová órni toib buñ nompa rony láani? b
-
Né looyga, ¿ximod rabiʼlo mod rony pensary Dios?
Dada toib buñgonaʼ ni rabiʼ que nigolú rasac vida labúu gonybu pensary que más galán guitudybu xiimbu. Colgoʼol Isaías 41:10 né colgooy xtiitzni:
-
Pal noʼ buñ ni rakíil a toib buñgonaʼ par guitudy xiin, ¿ló chú non guinabbu galrracné? ¿Xigony?
TIPNÉS BUÑ NÁ: «Tigaaga buñgonaʼ non guiniʼ pal guitudy xiin o yaca. Láabu rony mandarybu láacabu».
-
¿Xigony ronylo crer que vida xtuny buñgonaʼ ni nacxiin né tanli badaʼ ni noʼ lainybu nigolú rasacni par Jehová?
¿XÍ BISUIDYLO?
Vida nacni xcalrrascad Jehová. La Biblia rasuidy lóono gapno respet láani, ganno né gandxiʼno láani, tanli vida xtunyno né xtuny stipnés.
Repas
-
¿Xigony nanno que par Jehová nigolú rasac vida xtuny buñ?
-
¿Ximod rasac Jehová órni toib buñ nompa ronybu ragaitybu láacabu o ragaitybu stipnés?
-
¿Xí láani más rioladxlo de galrrascad ni bidudy Jehová looy?
PAR GANLO MÁS
¿Ximod labúu guidudyno guixquix Jehová por vida ni biscadbu lóono?
¿Labúu gony perdonar Dios a toib buñgonaʼ ni ma bitudy xiin ló dzú ni see la?
«¿Xí ná la Biblia órni toib buñ ratudy xiin?» (Artículo ni sieed ló jw.org)
Bisuidy xi rony pensary Dios de vida né órni rayopyno xi clas galrraguit gonyno.
«¿Labúu gonyno galrraguit ro rioʼ riesga vida xtunyno la?» (¡Despertad!, 8 de octubre íz 2000)
¿Né pal toib buñ ma buny pensary guigaitybu láacabu gaʼ? Gony xi consej radudy la Biblia lóono.
«¿Labúu gacné la Biblia naʼ pal ma buni pensary guigati naʼca la?» (Artículo ni sieed ló jw.org)
a Jehová nigolú rioʼ galrrasaʼ por buñ ni cadopy xcalnabany (Salmo 34:18). Láabu riembu xi rasac toib buñ órni rony pensary guigaitybu láacabu né nainy láabu gacnébu buñ ni rasac modcu. Gon ximod consej ni radudy Jehová labúu sacnéni looy. Bíil artículo reʼ, «¿Labúu gacné la Biblia naʼ pal ma buni pensary guigati naʼca la?», ndeʼ sieed ló sección «Par ganlo más» de lesiony reʼ.
b Buñ ni ma bitudy xiin diti non guigotzyibu dool láacayibu por ni ma bunyibu; Jehová puextca noʼ par gony perdonar layibu. Sadzelo más información ló artículo ni laa, «¿Xí ná la Biblia órni toib buñ ratudy xiin?», ndeʼ sieed ló sección «Par ganlo más» de lesiony reʼ.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
