LESIONY 20
¿Ximod rony xcudx Jehová dxiin?
Jehová diti cuenunysi rony (1 Corintios 14:33). Por ngú xcudxbu diti cuenunysi rony. ¿Ximod rony xcudx Jehová dxiin? ¿Ximod labúu gacnéno layibu?
1. ¿Chú rasanir lainy congregación cristiana?
«Cristo nac guic congregación» (Efesios 5:23). Desde lainy guibá Jesús rabiʼbu guirá dxiin ni rony xcudx Jehová ni noʼ ló guidopynac Gudxlio. Golúbu «mós ni rony xinésni né naní xcalrrien», láaca rimbuno layibu xomod Tidxó buñ ni nap xiroʼ Galnan (bíil Mateo 24:45-47). Xomod buny apóstoles né ancianos ni goyoʼ gudx Jerusalén ló siglo primero, Tidxó buñ ni nap xiroʼ Galnan layibu rasaniryibu nisló congregación ni noʼ ló guidopynac Gudxlio (Hechos 15:2). Layibu diti nacyibu líderes lainy xcudx Jehová. Rayopyibu xcalrracné Jehová né xcalrracné la Biblia par guisanésyibu lóono, né rasobyibu xcalmandary Jesús.
2. ¿Xí dxiin rony ancianos?
Ancianos nacyibu cristianos ni nadip xfe nacyibu mextra né raquiinyibu la Biblia par guisuidyibu stipnés, láaca ranyibu né racnéyibu herman ni noʼ lainy congregación. Guiráyibu diti riaxyibu por dxiin ni ronyibu. Xalagary ngú, ronyibu láani né guidopy xcalnabanybu xomod rioladx Dios, «diti ronyibu láani por bidxiich, ronyibu láani né gan» (1 Pedro 5:1, 2). Ancianos racaʼyibu xcalrracné siervos ministeriales, né radxin midid láaca racyibu ancianos.
Tidxó buñ ni nap xiroʼ Galnan láaca rabúyibu tipnés ancianos par guidxin gac superintendente de circuit. Guirá hermanos reʼ riguenyibu xidal congregaciones, rony animaryibu né ragonésyibu guirá herman. Láaca rabúyibu chú labúu gac ancianos né siervos ministeriales ni rony cumplir requisitos ni sieed ló la Biblia (1 Timoteo 3:1-10, 12; Tito 1:5-9).
3. ¿Xí dxiin rony tigaaga Testigo?
Guiráyibu ronyxiroʼyibu «laa Jehová» órni rony comentaryibu ló reunión. Láaca ronyibu láani órni rony predicaryibu dada rutirigaʼlni layibu (bíil Salmo 148:12, 13).
NANOY GUISUIDYNO LÁANI
Guisuidyno ximod nac Jesús ni rasanir lainy congregación, xi xtem rony ancianos par guisuʼyibu Jesús né ximod labúu gonyno dxiin né Jesús né ancianos.
4. Jesús ni rasanir lainy congregación rasialdóbu xcalnabany buñ
Jesús raiby lóono ndeʼ. Colgoʼol Mateo 11:28-30 né colgooy xtiitzni:
-
¿Ximod rasanir Jesús lainy congregación? ¿Né ximod raniiny láabu guisacno?
¿Ximod rasuʼ ancianos ejemplo xtuny Jesús Colguibiʼ VIDEO reʼ.
La Biblia rabexatzay xipa mod gony ancianos xchiin.
Colgoʼol Isaías 32:2 né 1 Pedro 5:1-3, né colgooy xtiitzni:
-
Jesús bisialdóbu xcalnabany stipnés. ¿Ximod rasaclo ni rabiʼlo que ancianos ronyibu xtem par gonyibu xomodca buny Jesús?
-
¿Xí stipnés mod rasuʼ ancianos mod buny Jesús?
5. Ancianos ronyibu ni raniʼyibu
¿Ximod rioladx Jesús guibiʼ ancianos privilegios ni nap? Colguibiʼ VIDEO reʼ.
Jesús nayadit goniʼ xi raquiin gony herman ni rasanir lainy congregación. Colgoʼol Mateo 23:8-12 né colgooy xtiitzni:
-
¿Ximod ná la Biblia non gony ancianos? Xpensarylo, ¿buñ ni rasanir lad religión rony cumpliryibu né guirá requisitos reʼ la?
-
Ancianos rony nadipyibu fe xtunyibu né racnéyibu xfamilyibu gony scúca.
-
Ancianos rioʼyibu galrrasaʼ por guirá herman ni noʼ lainy congregación.
-
Ancianos guirá ór raniʼyibu xtiitz Dios.
-
Ancianos nacyibu mextra. Láaca racnéyibu guiá Salón né ronyibu stipnés dxiinien.
6. Ronyno dxiin né ancianos
La Biblia radudy razón lóono par gonyno dxiin né ancianos. Colgoʼol Hebreos 13:17 né colgooy xtiitzni:
-
¿Xigony ná la Biblia guisobno ni rasanir ladno ná diti rienno xigony? ¿Nálo que labúu gonyno láani la? ¿Xigony?
Colgoʼol Lucas 16:10 né colgooy xtiitzni:
-
¿Xigony nigolú rasac gonyno dxiin né ancianos dada órni ronyno pensary que diti tampa rasacni?
TIPNÉS BUÑ NÁ: «Diti fuerspa tzoʼno lad toib religión».
-
¿Xí galnasác sacaʼno pal radopno lainy toib congregación par gony adorarno Dios?
¿XÍ BISUIDYLO?
Jesús rasanir lainy congregación cristiana. Ancianos noʼyibu xan xomandary Jesús, né lóono ronyno dxiin né layibu né guidopy xcalnabanyno, portín ranyibu né rasuidyibu lóono mod ronyibu.
Repas
-
¿Chú rasanir lainy congregación cristiana?
-
¿Ximod racné ancianos a congregación?
-
¿Xí dxiin rony tigaaga xpiin Jehová?
PAR GANLO MÁS
Gon ximod Tidxó buñ ni nap xiroʼ Galnan né ancianos nigolú rioʼyibu galrrasaʼ por guirá hermanos ni noʼ lainy congregación.
Gon xi dxiin rony superintendente de circuit.
Dxiin ni rony toib superintendente de circuit lainy toib gudxyen (4:51)
Bisuidy xi dxiin nap buñgonaʼ lainy congregación.
Bisuidy ximod ancianos ronyibu rutirigaʼlni layibu par gony animaryibu xhermanyibu.
«Ancianos de congregación ronyibu dxiin par guibaladxno» (Guiich ni caniʼ, 15 de enero íz 2013)
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
