Nigolú nagan nabany buñ ló dzureʼ ni ma cadubylagaʼ. Laʼga cadxin dzú guinitló gudxliogoxreʼ, sacalóno más galnagan. Dada sadxin midid sac falt cós ni caquiinno (Hab 3:16-18). ¿Xí labúu gacné lóono par labúu gapno confianz órni tzoʼ galsii? Órni guicalóno láani raquiin gapno confianz que Jehová sacné lóono. Láabu nábu que sacnébu ximigbu né sadudybu ni caquiinno nac nitisi nac galnagan ni cacalóno (Sl 37:18, 19; Heb 13:5, 6).

¿Xí labúu gonylo?

• Gonab Jehová guisanés looy, guidudy galnan né gacné looy (Sl 62:8).

• Gosaguel gonylo nitisi dxiinien ná diti ma goyoʼ ór bunylo láani (g-S 1/10 págs. 8, 9, tipnés cuadriyen).

• Diti guiañ gonylo cós ni más rasac, xomod goʼolo la Biblia guirá dzú, tzeelo reunión né guireʼlo yoʼ por yoʼ.

ÓRNI MA BIBIʼLO VIDEO NI LAA, GUISAʼNO TOIB YOʼ NI GONY GUANTARY: TZOʼNO NAKIT NÉ NI NAPTO NIGOREʼ, CUAPY GUIRÁ GALRRANABDIITZ NI SIEED REʼ:

• ¿Xí galnagan cualó guirá famil reʼ?

• ¿Xí laani ngú ni más rasac?

• ¿Ximod labúu gacnéno stipnés ni cadudy ló galsii?