GACNO TOIB GALÁN MEXTRA | BIBALADX ÓRNI GUINIʼLO XTIITZ DIOS
Bisuidy buñ ni casuidylo guiyopy información par guibigax a Jehová
Par labúu guimbu estudiante xtunyno a Jehová né gac nadip fe xtunyibu raquiin guisuidyibu más ni ná la Biblia (Mt 5:3; Heb 5:12–6:2). Non guisuidyibu gac nadip fe xtunyibu.
Desde órni salólo guisuidylo layibu, bisuidy né buny animar buñ ni casuidylo goʼol xquiich (mwb18.03 pág. 6). Góoch layibu que nigolú rasac guininébu Dios antes de goʼolyibu xquiichyibu. Gocné layibu guiquiinyibu guirá herramientas ni noʼ ló Internet né guibiʼyibu ni noʼ ló jw.org né ló JW Broadcasting®. Dxoga dxoga, bisiaʼ layibu guisuidyibu la Biblia guirá dzú, guisuidyibu xquiichyibu par reunión né guiyopyibu ximod rarexa guirá galrranabdiitz. Buny animar layibu gonyibu pensary ló ni casuidyibu.
ÓRNI MA BIBIʼLO VIDEO NI LAA, GACNÉNO BUÑ NI CASUIDYNO GUIYOPY INFORMACIÓN PAR GUIBIGAX A JEHOVÁ, CUAPY GUIRÁ GALRRANABDIITZ REʼ:
-
¿Ximod gocné Rita a Coral par ñembu que diti nosi ganbu ximod rarexa toib galrranabdiitz?
-
¿Xí láani gocné Coral par biembu que Jehová diti racacuentbu galyoxh?
-
Bisuidy estudiante xtunylo guieen ni casuidy né guisob láani.
¿Xí bieen Coral ni radudy diitz gony buñ pensary?
