Toib amig láabu ngú ni radzak sacró né stoib. David né Jonatán góc ximigyibu saʼyibu después ni bigaity David a Goliat (1Sa 18:1). Tigaagayibu bibiʼyibu cualidades sacróyen ni nap saʼyibu, né ngú buny que bidzakyibu saʼyibu sacró. Par labúu tzoʼ ximigno non guimbutzaayno láabu, por ngú raquiin cueʼno tiemp né gonyno xtem. Ló redes sociales diti nagan tzoʼ «ximig» buñ nosi guiquichña buñ toib lagary. Ló internet buñ labúu guiscú mod nac, portín labúu guicachlanyibu modpa nacyibu, Por ngú non guisobno tipnés cós antes de guicacuentno chú buñ gac ximigno ló internet. Diti guidzuibylo pal toib buñ radzuitz por ni diti racacuentlo solicitud xtunybu. Noʼ xiroʼ riesga né redes sociales, por ngú tipnés buñ diti raquiin láani. Per pal nainy looy gaplo toib red social, ¿xí láani non guisetnaladxlo?

ÓRNI MA BIBIʼLO VIDEO NI LAA, GOLOʼ XCALRRIENLO ÓRNI GUIQUIINLO REDES SOCIALES, CUAPY GUIRÁ GALRRANABDIITZ REʼ:

• ¿Xí láani non guisetnaladxlo antes de guilapylo retrat né comentarios ló internet?

• ¿Xigony non gac nanoylo antes de guiyopylo chú láabu gac ximiglo ló internet?

• ¿Xigony non gaplo cuidad balac tiemp tzoʼlo ló redes sociales? (Ef 5:15, 16).