Follet ni laa Bicadiag ni ná Dios goyaʼni par buñ ni diti nan roʼoltzay portín napni xidal dibuj par guisuidyno layibu tipnés cós ni diti tampa nagan. Tigaaga lesiony nap chop páginas né sitnéni xidal dibuj sacróyen né ló tigaaga dibuj raliñani xí dibuj sitnal.

Follet Bicadiag ni ná Dios né labúu guibanylo tipzó sitné dibujca ni nap follet Bicadiag ni ná Dios, per napni más letras. Buñ ni roʼoltzay labúu guisuidy ló follet reʼ. Herman labúu guiquiin follet Bicadiag ni ná Dios né labúu guibanylo tipzó ná buñ ni rasuidyibu raquiin follet Bicadiag ni ná Dios. Ló tipnés páginas sieed toib cuadriyen ni rioʼ ór raquiin guisuidyno né buñ, ma lóono guibiʼno pal raquiin gonyno láani.

Labúu guikiʼsno guiropca follet reʼ, ná diti láani non guikiʼsno ló beʼo cú. Órni guisuidylo buñ ni ná la Biblia, biquiin dibuj ni napni par cuéxalo ni ná la Biblia. Buny tipnés galrranabdiitz par diti looysi guiniʼlo né modreʼ ganlo pal cayenbu ni casuidybu. Ro ralox tigaaga página sieed tipnés textos, bíil né golexa láani. Órni guilox guisuidyto follet reʼ, colguisuidy libro ¿Xí ni merpa rasuidy la Biblia? par gacnélo láabu tzonisbu.