Avura Yesu akitingbangako nga ko naringbisa tiko nga ko sa na Mbori. (Yoane 5:18; 10:30-33) Ono tie, Yesu aaringbisanga tiko nga ko sa na gu Mbori Duna Tanduapai Dũ te. Ko aya: “Buba susi re.”—Yoane 14:28.

Bambata apefuo Yesu aabingo ko nga ko kina sa na gu Mbori Duna Tanduapai Dũ te. Ni kpiapai, gu mokedi nangia Pauro ake gupai nga tingbafuo Yesu zingi be kpio, Mbori “akiisi pako ti ni a gbe, ki fu gu rimo fu ko zogo arimo dũ.” Si tie ziazia nga, Pauro aaidanga kuti gupai nga Yesu angia gu Mbori Duna Tanduapai Dũ te. Ka si adu wo, wai gu ka Mbori akiisi pako ti ni ki fu gu rimo fu ko zogo arimo dũ? —AFiripoio 2:9.