Dedede, aboro naadegatuyo kuti gu pangbanga nga ga Kindo ho i agiaha ni kina boro rogo fugoyo yo. Isoke si nga ndu gupai Yekova amangi mbakadapai ti ni rago Pendekote 33 F.B.K., tipa agu ‘ aYudo naaye dagba rika aboro dunduko zegino’ i gi wene pangbanga kina rogo ‘apa yo dunduko i avungu yo kuti ni,’ wa si avura du vurũ nga si wa i aagumba agu afugo agumba naadu wa, pa-Ebere na pa-Giriki. (Amo 2:​5, 8) Areme, rogo gu dagbarago aboro agumba dungu afugo rogoho, agu adungurati na manga dunguratise rogo dungu afugo ima rengba kadu na dagbarago nga ga tungusapai kina rogo gu ba re. Wai gu rengbe agu abatungusipai du rogo agu adungurati re ka kodabee ka tungusapai fu aboro dũ ki zanga dogoda tungusapai rogo bangisa rago nga gu niima rengba ka sa irakporo ni zingi watadu ngbadu ni imi?

• Giatise (Snz 15:22): Si naida agu ababiapai nga ga sunge tungusapai fura dagbatiyo na ki gbia gu gene nika sa agu adungurati re dunduko i tungusipai wenengai. Agu adungurati natungusapai rogo kura afugo ima rengba ka ida gupai nga ka oni tungusinga pai rogo agu akporo nagumba gayo fugo ya ka si du nga gayo dagbarago nga ga tungusapai ni wiri toonihe. Ono tie, ka si du nga i na rengba ka tungusapai rogo gayo dagbarago dunduko dedede te mbiko paduhe nga yasika ni bakerehe, i ima rengba ka ida gupai nga ka oni gunga riikporo ya, ono ka oni bi boro yo du na nyemupai nga guni na gumba gayo fugo oni ki tingidihe fuyo. (od-E kpe. 93 genewa. 37 watadu od-F kpe. 93 genewa. 37) Watadu i ima rengba ka sana roni tipa oni undo yo ka gbata agu aboro fuyo nagumba gu fugo nga ga gayo dungurati nga aguyo rengbe oni kafu gayo adresi fuyo. (km 7/12 kpe. 5, sanduki) Oni moi gupai ku berãroni yo nga ti kura aregbo, kporo sa rengbe kaa gumba dungu afugo. Si naida mbakadapai tipa tungusapai rogo gu dagba rago re ndu sa na agu andiko du tipa banda pa mangasunge na agu atingidapai du tipa aboro ringara.

• Kodabee (Ef 4:16): Oni pekefuo ai gu rugapai sirisiri oni agbiaha be gu gaoni babiapai nga ga sunge tungusapai ko. Ya mo mo nawisigo Baibiri na gu boro naida na gu fugo angianga ga gamo dungurati ya? Gu bawiriki Baibiri re ima rengba ka manga sona kumbatayo ni wiri ipo ka mo fu ni fu gu dungurati watadu gu badona nagumba gani fugo.

• Mbakadatise (Snz 15:28; 16:⁠1): Ka si du nga irakporo rogo gamo dagbarago nagumba kura fugo kia, mo mangi asadatise ka tungusa wene pangbanga fu ni. Mo rengbe ka mbakada tiro ni berã mo kuriipa agu afugo mo naima rengba ka gbiatiro na ni gene tungusapai yo rogo gamo dagbarago na nirimiso mo kura asasa afugo nga ga Baibiri watadu avidio ku rogo gamo terefuni. Mo ima rengba a ka mangasunge na JW Language app tipa ka wirika wai kafu sene rogo kura afugo.