Rugute nidu gbe tipa rugapai na yugopai, ono si nakoda gupai akoda a, nga ga za boro na ka fu mbusa. Yekova nafu rugute furani tipa anidu na rengba ka irisoko ngba gu gene ko aidaha. (Rom 12:1; Eb 12:10, 11) Ti kura aregbo, rugute ima rengba ka igirã, ono gipai re nasarani ani mangipai ni ruruhe na ki gbia amaku. (Snz 10:7) Ginipai si aida agu aboro nafu rugute gbiati agu aboro i afu rugute fuyo moihe ku berãyo yo?

Gu boro nafu rugute. Si naida Abaakumba, avunguagude gbiati gu kura aboro mangi nyanyaki asadatise tipa ka fu rugute rogo nunga na nyemuse wakina gu Yekova amangaha. (Yere 46:28) Ka si vura du nga nyanyaki rugute du i afuhe, si naida gu rugute re rẽarẽ mburuhe kidu rii nyemuse.—Tito 1:13.

Gu boro i afu rugute fu ni. Ka rugute vura ye furani ngba gini gene, si aidanga ani kaha te, na si naida animangipai kutini niipo. (Snz 3:11, 12) Wa duhe nga ani nga kpakpa aboro, ani dunduko naida na rugute, nga gu naye furani ngba agene ni bakiakia. Ani ima rengba ka gbia rugute vurube gupai ani agedaha rogo Ziazia Kekeapai watadu gupai ani agiaha ba gaani adunguratise yo. Watadu ti kura aregbo, kura aboro ninaagbia rugute be gu rondo sarangbanga nga ga dungurati. Ka ani di rugute kugume na ki mangipai kuti ni, raka rani nika du ni wenehe na ani ki raki nyeanye kindi.—Snz 10:17.

ONI MOI GU VIDIO NGA, “YEKOVA NAFU RUGUTE FU AGU ABORO KO AKPINYEMU YO,” NA FUOHO, ONI KI KARAGAPAI KUTI AGI ASANAHE RE:

• Waigu ga Canon raka atona, na waigu si aˈariatihe?

• Gini rugute ko agbiaha be Yekova?

• Gini apai ani awirikaha ti gi gako pangbanga re?