Ho Moize agbia sunge ni be Yekova ti tonatonaha, ko aberẽ gupai nga ko adunga na rengba ka mangaha wenengai te. (Gate 4:10, 13) Ya mo mo abingo tiro wa gure? Ya mo mo nawirika Ziazia Kekeapai na aDezire Yekova? Ya mo mo naabaka bangiro singia mo rengbe ka tungusapai kporo na kporo? Isoke watadu paranga boro nga mo nga guni nagunde agunde ka tungusapai sukuru yo. Watadu mo nagunde agunde ka tungusapai rogo terefuni watadu ka manga kura angbatunga dezirepai rogo agu aba du na dungu aboro rogoho. Mo kpari fu Yekova na ki sanako tipa gako ziazia toro. (1Pet 4:11) Mo du na gu kido nga ko ima rengba ka undoro mo mangi ai gu sunge ko nafuhe foro.—Gate 4:11, 12.

ONI BI GU VIDIO NGA MO DU NI GU BATUNGUSIPAI DU NA WINGBADUSE, FUOHO, ONI KI KARAGAPAI KUTI AGI ASANAHE RE:

• Gini kpakarapai gu wirina nga Aoyama agbia tiri na ni?

• Ginipai naundo ri ri du nyanyaki na kidu na wingbaduse?—Yer 20:7-9

• Wai gu ri agbia undo ti mangasunge fu Yekova ni bakerehe?

• Gini akpakarapai gene tungusapai yo rengbe Yekova ka undoro mo dibehe?