Ginipai Ziazia Kekeapai Agumbaha?
Ginihe nga Aramegido?
Kura aboro idi kuti gupai . . .
nga si nika ngia gu gbarasahe nika manga rogo zegino dunduko be kere ũvura. Gamo bipai nga gine?
Gupai Ziazia Kekeapai agumbaha
Aramegido naru kuba “gu vura nga ga gu bakere rago nga ga Mbori, nga gu ko du na tandu apai dũ,” gako vura kuti gbegberẽ aboro.—Yugoti 16:14, 16.
Gini kura apai ani awirikaha rogo Ziazia Kekeapai yo?
Mbori nika so gu vura nga ga Aramegido, angianga ka gbarasa kpotosende ya, ono ka batasaha be agu aboro nagbarasaha.—Yugoti 11:18.
Gu vura nga ga Aramegido nika digiso avura dunduko.—Atambuahe 46:8, 9.
Ya mo boro rengbe ka bata be gu vura nga ga Aramegido?
Mo rengbe ka ya karaga pai nga?
Ii
Oó
Mi ainongo ho te
Gupai Ziazia Kekeapai agumbaha
“Bakere rimbasa” aboro dagba rika aboro dunduko nika bata “rogo bakere gberãngbi,” nga gu nika digo na gu vura nga ga Aramegido.—Yugoti 7:9, 14.
Gini kura apai ani awirikaha rogo Ziazia Kekeapai yo?
Mbori naida badungu aboro bati be Aramegido. Ko nika gbarasa kina gbegberẽ aboro.—Yezekere 18:32.
Ziazia Kekeapai nasakapa wai ka bata be Aramegido.—Zefania 2:3.
Gere Ima Rengba a ka Ngba Tiro
AGU ASANAHE BAIBIRI AKARAGAPAI KUTI NI
Gine Nga gu Vura Nga Aramegido?
I mangisunge gbua bara sa na gu fugo nga Aramegido rogo Baibiri, ono dungu averesi rogo Baibiri ima sakapai tipa gu vura si aru kubaha.
