Zanga kapa, aboro nikaa sona asona kindi rogo birĩ-inohe yo. Ono ya mo i asa aboro i ni berẽpa akurayo nzunzu? Oó. Areme, zegino ima hi be agu aboro nga aira gbangbati gbiati aira ngbaduse. Ono tie, Mbori ima ringbisapa wenepai tipa aboro ku mbatayo.—Mo gedi 2 Petero 3:13.

Fugo Mbori nafura tipa gu zegino ku mbatayo nga gu aboro nika kpinyemu akurayo rogoho. Aboro nika raka rogo zereda, na boro adunga ho nika imisa yo te.—Mo gedi Mika 4:3, 4.

Mbori akusi aboro ti tonatonaha zanga gbangbati. Ono ho bambata kumba asia ka basasangba Mbori ni, ko aadunga berewe ni rengberengbe ko te. Ko du ani adi gu sino nga ga gbangbati tiko. Ono wa vura duhe wo, Mbori nika mangasunge na Yesu tipa karaga aboro kubayo ni rengberengbe yo.—Mo gedi ARomo 7:21, 24, 25.

Ringbisihe kuti gupai Mbori aidaha, Yesu akpi ni motumo tipa ka dia gu ingapai naaye mbiko gu basasangba nga ga gu bambata kumba re. (ARomo 5:19) Rogo gi gene re, Yesu ima sa apai si du taata aboro raki gu wene raka ku mbatayo nikaa dunga na gu sino nga ga gbangbati nga gu nasayo i nimangi gbegberẽ apai ya.—Mo gedi Atambuahe 37:9-11.