YUGOBARAAPAI D
Wai ka Manga Wisigo Baibiri Nimanga Mo Sunge na gu Buku Nga Mo Raki Nyeanye Kindi na Ngbarago!
Awirina aima manga kparakpee ni bakerehe na ki wisigi agu apai na rubangirise si aida i rimisihe ku rogo gu buku nga Mo Raki Nyeanye Kindi na Ngbarago! Mo mangisunge wenengai na gi buku re, mo mangisunge na agi aberãpai re ho mo awisigo Baibiri ni na aboro.
Mbata fu mo tona wisigopai
-
1. Mo mbakadihe wenengai. A wa mo nikaa mangaha wo, mo berẽkuriipa agu azingo, akpakarapai, gbiati agu aberãpai nga ga gamo bawirikipai. Mo asadi ka berãpa agu apai rengbe arengba ka kpakara funi ni gi rogoyo na ki mangipai kutini. Mo bi wai agu apai du rogo gu paparaha nga “Mo Weteke Kura Apai” narengbe ka undo gamo bawiriki Baibiri, na mo kidu regerege ka mangasunge na ni ti regbo gu wisigopai re wa rengbe omero na ni.
Ti regbo wisigopai
-
2. Mo tonaha na ki digisihe na kparakpee ka gamo bawiriki Baibiri idihe wo.
-
3. Mo du na rubangirise ka zanga fura ni bakerehe. Mo gbeberã ni kuti agu apai du rogoho na ki mbu ga bawirikipai ni kusuko kpotoni yo.
-
4. Ho mo atona bangua apaparaha ni, mo gbeberã ni kuti memepai nga ga gu paparaha re na ki fura tipa bete gu rii awirikapai du rogo gu paparaha re.
-
5. Ho mo anyasa bangua paparaha ni, mo mangisunge na gu paparaha nga fugöpai ka undo gamo bawiriki Baibiri ni tingidipa agu arengo ni na wirikihe.
-
6. Wa oni kaa wisigo awirikapai nibasasa na gamo bawirikipai:
-
Oni gedi kekeapai.
-
Oni gedi agu averesi dunduko ke yo gupai ti ni nga “Mo gedi he.”
-
Oni gedi gu kura averesi yuguyo baraha ka si aidaha wo.
-
Oni bi agu avidio dunduko i naya tipaha “Mo bihe” (ka si du ho).
-
Mo sana bawirikipai na asanahe dunduko.
-
Mo gbeberã ni kuti agu asura du rogo gu paparaha nga “Mo Wiriki Kura Dungu Apai” na mo ki sana ni nifura tipaha.
-
Mo mangisunge na gu sanduki du pati gu paparaha nga “Sasa” ka undo gamo bawiriki Baibiri ni wisigi gani sonakumbatayo rogo toro yo. Mo ima rengba ka ngarasa ni tipa ni mangisunge na agu asasa peyo paha yo tipa ka ru ho ka manga gu kura asasa.
-
Mo sana gamo bawirikipai singia ni nagbia ngbarago gbe ti gu kekeapai gbiati avidio du rogo gu paparaha nga “Mo Weteke Kura Apai” ti gu regbo ni ambakada gu wirikapai re.
-
Mo mangi ome tipa oni nyasi awirikapai ni basasa ti ai gu regbo oni awirikapai.
-
Tingbafuo wisigopai
-
7. Mo niberẽ pa gamo bawiriki Baibiri aberã kindi. Mo kpari fu Yekova ko undo gamo bawirikipai nimangi sonakumbatayo na ko fu gu tatamana foro si aida ha tipa mo undo ni.
