Mo undo aboro i asadi ka wisigo tiyo. Mo asadi ka sana agu asanahe nasa aboro i berẽkuriipai wa ka agu aboro mo afura fuyo asadi ka wisigo gayo abipai.

Mo fõ kpotoyo yo. Mo zungodi agu aboro mo afura fuyo i wisigi ndu gupai i amanga wene apai ti ni. Mo ngarasiyo i asadi ka manga gupai ngba kisusi​—kpinyemu Yekova, kpinyemu akurayo, na agu ayugopai nga ga Baibiri. Mo undo yo i bi gu tatamana du rogo gupai Baibiri agumbaha; ka mo furanga wa mo nga gayo bayugupai ya. Kuba gupai nga ka fu pazee fuyo, mo undoyo i bi tiyo nga i ima gbia ngarasaro rogo gamu afugo tipa ka manga gupai du ni wenehe gbe.

Mo gbeberã aboro kuti Yekova. Mo yugu wai du agu ayugopai nga ga Baibiri, gaha bangua arengo, na azinahe ayugo ga Mbori nyemuse tipa rani. Mo asadi ka ngarasayo i ni berẽpa ga Yekova bipai na ka asada ka fu ngbarago fuko.