Yesu agbia gako amokedi Gariraya yo. Ko afu nyanyakipa zinahe fuyo nga: ‘Oni ndu ki sa aboro ni abawiriki rogo arago dũ. Oni yugu agu apai fuyo mi nayuguhe furoni na oni ki bapatizi yo.’ Sidu, ko akido yo nga: ‘Oni tingidi gupai nga mi na oni ti aregbo dũ.’

Rogo gu 40 aˈuru tingbafuo Yesu zingi be kpio, ko ayugu tiko fu akama gako abawiriki Gariraya yo na Yerusarema yo. Ko ayugu nyanyakipa apai fuyo na ki mangi dungu iˈiriwoapai. Sidu Yesu agbia gako amokedi niyangaraha rii Bagangara Aeraya yo. Ko aya fuyo: ‘Ka oni guaringa Yerusarema yo ya. Oni ni ngere kindi tipa guhe Buba akidopaha furoni.’

Gako amokedi aaruganga tiyo na gupai ko aagumbaha te. Fuani, i asanako nga: ‘Gere nga mo nika da awere ni Bakindo aYisaraere?’ Yesu ki ya: ‘Regbo atadanga be Yekova ko moi re ni Bakindo te. Barambeda oni nika gbia ome be ziazia toro na oni adu ni adezire re. Oni ndu ka tungusapai Yerusarema yo, Yuda yo, Somorona yo, na ku digido kpotosende yo.’

Fuoho, I adi Yesu ku ariyo dubo ki kisi rago fuoko. Gako abawiriki anye kindi kaa ngera kuari yo ono i aabingo ko berewe te.

Abawiriki aguari rii Bagangara Aeraya yo ki ga ku Yerusarema yo. I anaadunguratiyo dedede ku rogo gu vurubambu yo naadu kuari kaa manga kparakpee. I aasungudo Yesu tipa ko fu gu kura arugapai fuyo.