Bara rogo Marungu watadu Zerekpe rogo gu garã nangia 30 Fuo Batikayo Kristo, Yesu andu ku Yerusarema yo. Dungu aboro aye ku rogo gu gbata re tipa Pumbo Susiri. I anaafu anya ni motumo ni papara gayo pumbo. Kura aboro aye na gayo anya, ono aguyo aangbe ra kina Yerusarema yo.

Ho Yesu andu ni ku yekaru yo, ko abi aboro i ni bagi anya yo. Aboro anaamanga kina marã rogo ga Yekova bambu nga ga irisombori! Ginipai Yesu amangihe? Ko audi gire ni kpudu ki kusi akandoro gbiati abagara na ni ku zagiyo. Ko ki vavagadi agu ambisa nangia ga abaundaamarã na ki uka gayo amarã ku sande. Yesu  aya fu agu aboro naabaga ambipo wẽ: ‘Oni di agi ahe re ane kusayo! Ka oni sanga ga Buba bambu ni babagaahe ya!’

Kina ngba agu aboro naadu yekaru yo naazere be gupai Yesu amangihe. Gako abawiriki atingidipa gu sangbanebi du tipa Masiya nga: ‘Nyemu ga Yekova bambu adu ti re ni bakerehe.’

Kusa rogo gu garã nangia 33 Fuo Batikayo Kristo, ko agirisi yekaru berewe ni uehe. Ko aaidanga ka mbu aboro i niyugu zanga iriso kuti ga Bako bambu te.