LECCIÓN 01

Nákaʼ wegon lueʼ yodarhi Biblia

BZENAGA LEN DIDZA

Neyenrha rkirha kuinrha ki yelaneban, yelarheguirlá, yelagoti lhen ta ziʼ zaalha, lheze rhebanherha ki todza todza, nákaʼ gáparha ta ryadzarkinherha kuenda ibanrha o nákaʼ wazeke familia kierha suake yatzayolaj. Beneʼ zian chi gokebekene lo Biblia rhochhiʼ derha taní, lhen lhezekan rhona consejos chhiaʼ ta ugonherhachhin yogodza. A zuá nó nombhelho rhekelho wegon leʼ yodarhi Biblia.

1. Bikaʼ ta rhochhiʼ lo Biblia

Biblia rhochhiʼ ta nekin inezerha kanho taní: Nákaʼ uzolho yelaneban, bixhkieʼ dzaarha ni, bixhkieʼ rzakayaʼ ka beneʼ wen, a diarhe yelaneban dé chi gotirha, bixhkieʼ rheegaze dila len cheʼ idoxhen lichhileyo rhenkene kueʼ chhiatzaweʼ, lhen nobí gaka ki lichhileyo ni. Gonloʼ chhiaʼ cheʼ yiguilhajloʼ lo Biblia kaʼ rhochhiʼ derha taní, lheʼ millonne ka beneʼ chi bhenkeʼ kan chhiagazi rhekikeneʼ lhen ta chi byediekeneʼ.

2. Nákaʼ rhon rhoʼo yodarhi Biblia na siʼrha banheza yogodza ki yelaneban kierha

Biblia rhona kierha consejo chhiaʼ. Kanho, rseedie ka familia nákaʼ suake yatzayolaj tabalase. Lhezekan rheʼ rhoʼo nákaʼ gonrha na biteka yebanherha na gonrha banheza chhin kierha. Tzalaka tzeajrha kseedirha tzaxhen ka rguixhajeʼ ni, wayedilo ta rnhe Biblia ki taní lhen ki yezikalha ta rtzalaj. Wachhin yekebelhoʼ «derha ta rnhe lo Biblia [...] rhonchhin» (2 Timoteo 3:16).

Publicaciónni, ku naka logarhi Biblia. Naka ta gon lueʼ yodarhi kseediloʼ Biblia. Leke rheenheto ulabalho yogo textos chhia to to lección na gonloʼ lhebi ka rnhe lhen ta tzeaj yedieloʼ.

KSEEDIRHA MÁSRHE KI TANÍ

Ni uyorha nákaʼ Biblia chi bhen yodarhi yezikalha beneʼ, bi waka gonrha na siʼrha banheza katiʼ ulabarha lé, lhen nákaʼ gon rhoʼo yodarhi cheʼ zuá nó gluekseedie rhoʼo.

3. Biblia rgoʼ rhoʼo neza

Biblia naka ka to guiʼ rzekeʼ rzeniʼ neza kierha. Waka ugonerhachhin lé kuenda gaka kierha chhiaʼ lhen kuenda inezerha bi gaka uxhewidzaj.

Le ulaba Salmo 119:105 na le ktzalaj ki taní:

Nákaʼ blene Biblia beneʼ bchhie Salmoni.
Nákaʼ rleʼlho lueʼ Biblia.

4. Biblia rhochhiʼ ta rnaberha kuinrha

To nigolha bedzelhineʼ lo Biblia ka rhochhiʼ ta gunneʼ inezeneʼ tinaate. Le uyo VIDEO na le ktzalaj ki taní:

VIDEO: Bebata usnitiloʼ yelarbezalachhi (1:48)

Bikaʼ ta goonhe ineze nigolha rdegue lo videoni.
Nákaʼ bhen lhegue yodarhi ta bsedigue Biblia.

Lo Biblia rnhe waka inabarha cheʼ ta rhenerha inezerha. Le ulaba Mateo 7:7 na le ktzalaj ki taní:

A rhekelho Biblia weyochhiʼ bala ta rnabelo kuinloʼ. Kanho bi.

5. Waka kueajrha banheza ta ulabarha Biblia

Beneʼ zian rhaxhenkene ulabake Biblia na rbeajke banheza kie. Le uyo VIDEO na le ktzalaj ki taní:

VIDEO: Ta ulabarha Biblia (2:05)

Bi rnhe bin rdekabe lo videoni ki ta ulabakabe.
Bixhkieʼ rleʼkebe natzalha ta ulabakabe Biblia.

Ta ryedierha lo Biblia rheyónxhen yikiajlorha lhen rhona kierha yelarbezalachhi. Le ulaba Romanos 15:4 na le ktzalaj ki taní:

A rheenhelo inezelo másrhe ki yelarheyoexhen lhen yelarbezalachhi rhona kierha Biblia.

6. Wayenniʼrha ta rnhe lo Biblia cheʼ nó gon rhoʼo yodarhi

Nikla beneʼ zian rlabake Biblia towelazake, lhezekan chi bhen lhekeʼ yodarhi katiʼ nó rseedie lhekeʼ. Le ulaba Hechos 8:26-31 na le ktzalaj ki taní:

Bi rkinherha na tzeajnierha Biblia. (Le uyoka versículos 30 lhen 31).

Beneʼ Etiopía bkinheneʼ nó gon leʼ yodarhi na tzeajnineʼ ta zeagueʼ rlabeʼ. Lo dza naʼ, beneʼ zian ryedikene másrhe ki Biblia katiʼ nó rhon lhekeʼ yodarhi.

BALAKEʼ RNHEKE: «Ku napa kuenda kseedirha Biblia».