LECCIÓN 56

Bdaʼ nianaalho na ikuarha tozi lo congregación

BZENAGA LEN DIDZA

Katiʼ nekuarha lhenka beneʼ bichilezaarha rhaka kierha kaʼ rhaka ki rey David. Leʼ gneʼ: «¡Sdangaze rnaʼ lhen rheberha tan bichilezaarha dzakeʼ tozi!» (Salmo 133:1). Laga towelaze ikuarha tozi; yogotherha rkin gdaʼ nianaarha na kan gaka tolizi.

1. Bi rhakabhetherhe ki yechhi ki Dios

Cheʼ lueʼ tzeajlho lo congregación lo país yobla, nakalha be tzeajnielho didzaʼ kieke; niklakaʼ wekelho noʼ bchhinloʼ lichhiloʼ. Bixhkieʼ. Lheʼ gatheze tzeajlho, wekebelho tozi ta rgonhechhin ka testigos katiʼ rseedike Biblia. Lhezekan rhondoʼ gazelho rzekendoʼ na gluendoʼ lezaandoʼ yelarheke. Kon gathezi zuandoʼ, yogothendoʼ rheenhendoʼ «gondoxhen ló Jeobá na tzeanelachhitoneʼ tzaxhen» (Sofonías 3:9; nota).

2. Nákaʼ gdaʼ nianaalho na ikuarha tozi lo congregación

«Leyeeke lezaalhe garheedzo» (1 Pedro 1:22). Nákaʼ waka gonloʼ kaʼ rnhe ni. Be uyolho tan berzekekene gonke byo ta chhianhaʼ zeajke rhonke. Be gonloʼ tzaxhen zelhozi beneʼ rdankene ta lueʼ rdanhelho; lhezekan byo gombhelho beneʼ zaake gayobla lhen rdankene tayobla. Na cheʼ be rleʼlho chhiaʼ yezikalha beneʼ, bhen gazelho sekelho na yibheajlho taní lo yikiajlolexhdolho (blaba 1 Pedro 2:17). a

3. Nobí gonloʼ katiʼ galhaj to tazeedi lhen bichilezaarha

Nakasi lí dzaarha tozi; sanlhe tan nakarha beneʼ dolaxhguiaʼ, balania rzuayechirha o rhonrhaziʼ lezaarha. Lhekaʼ Xhtidzaʼ Dios rhee rhoʼo: «Lesixhentheze ki lezaalhe». Na zeajrhe rnhe: «Jeobá gxhixhenheʼ kielhe yalhajlachhidi, kan legon leʼn» (blaba Colosenses 3:13). Tazian niaʼ rhoʼo rzuayechirha Jeobá, niklakaʼ leʼ rzixhenheʼ kierha. Lhekaʼ leʼ rbezeʼ sixhenrha ki bichilezaarha. Cheʼ lueʼ chi gokebelho nó chi bhenloziʼ, gnaba sixhenheʼ kioʼ (blaba Mateo 5:23, 24). b

KSEEDIRHA MÁSRHE KI TANÍ

Bhen kuenda bi wazeke gonloʼ na ikuarha chhiaʼ lhen tozi lo congregación.

Nákaʼ gonloʼ na yikualhe chhiaʼ.

4. Bhen kuenda chhiaʼ ki yogothe beneʼ

Rheenherha yekerha yogothe bichilezaarha. Sanlhe nakalha wegon zeedi gonrha tzaxhen lhen balakeʼ, kanho beneʼ rnaake natzalha ka rhoʼo. Nobí gon rhoʼo yodarhi. Le ulaba Hechos 10:34, 35 na le ktzalaj ki taní:

Jeobá rzieʼ beneʼ gatheze zaakeʼ na gákake Testigos kieʼ. Naʼ chi neslo taní, nákaʼ rhala ileʼlho beneʼ nakake natzalha ka lueʼ.
Gaʼ zualho, kanho bi rhonke kuenda ki ka beneʼ yobla. Bixhkieʼ be rhala gonloʼ kuenda ka lhekeʼ.

Le ulaba 2 Corintios 6:11-13 na le ktzalaj ki taní:

Bi wazeke gonloʼ na yeeniʼ yelarheke napalho lhen yogothe bichilezaarha.

5. Gxhixhen yalhajlachhidi na byo yibhekilho chhiaʼ

Nikla rhoʼo bebata ikin sixhenrha ki Jeobá, leʼ rzixhenheʼ kierha yalhajlachhidi. Le ulaba Salmo 86:5 na le ktzalaj ki taní:

Bi rseedie rhoʼo versículoni kaʼ rzixhen Jeobá.
Nakaʼ rhekelho tan Jeobá rzixhenheʼ kierha. Bixhkieʼ.
Kanho bata wegon zeedi ikuarha chhiaʼ lhen bala bichilezaarha.

Nákaʼ waka gonrha kaʼ rhon Jeobá na ikuarha tzaxhen lhen yogothe bichilezaarha. Le ulaba Proverbios 19:11 na le ktzalaj ki taní:

Katiʼ nó rhon ta ku rheyolachhiloʼ o ta rhon lueʼ ziʼ, bi wazeke gonloʼ na yikualhe chhiaʼ.

Balania rhoʼo rhonrhaziʼ beneʼ yobla. Katiʼ rhaka kan, nobí rhala gonrha. Le uyo VIDEO na le ktzalaj ki taní:

VIDEO: Weziʼrha banheza cheʼ yikuarha chhiaʼ (6:01)

Bi bhen nigolha rdeʼ lo videoni na bekoake chhiaʼ.

6. Byo ta chhiaʼ ki beneʼ bichilezaarha

Katiʼ zeaj rhombherha másrhe ka beneʼ bichilezaarha, laga zelhozi rleʼrha tachhianhaʼ napake, lhezekan rleʼrha tan beteka rzekekene gonke. Nákaʼ gonrha na suasrha kuenda ta chhiaʼ napake. Le uyo VIDEO na le ktzalaj ki taní:

VIDEO: ¡Bhen masrhe sdan! (5:10)

Bi gon lueʼ yodarhi na uyolho ta chhianhaʼ rhonka bichilezaalho.

Jeobá ryoeʼ ta chhianhaʼ naparha. Le ulaba 2 Crónicas 16:9a na le ktzalaj ki taní:

Nákaʼ rhekelho tan Jeobá ryoeʼ ta chhianhaʼ napalho.

Kase to guiaj sdan noa to anillo yoose ga nexhinaj kie, niklakaʼ zakagazi. Kanteka rhaka lhen bichilezaarha: nikla nakake beneʼ dolaxhguiaʼ, Jeobá rsákagaze lhekeʼ.

BALAKEʼ RNHEKE: «Zialha glueʼ rhelenheneʼ, naarhe sixhenhaʼ kieʼ».