LECCIÓN 38
Doglueʼ rsákarha yelaneban
Tazian ta sdan rhaka lo yelaneban kierha. Lhenthe katiʼ rderha tazeedi, rzekerha rziʼrha banheza ki bala ta rhaka kierha. Nákaʼ waka gluerha rsákarha yelaneban nona kierha Jeobá lhen bixhkieʼ.
1. Bixhkieʼ rhala ksákarha yelaneban kierha
Rhala ksákarha yelaneban kierha lheʼ naka ta nona kierha Xhosrha Dios, Jeobá. Kieʼ «zaa yelaneban», lheʼ bzaspineʼ derha ta nebán (Salmo 36:9). «Leʼ rdee ki derha benachi yelaneban, beʼ lhen derha ta rkinkene» (Hechos 17:25, 28). Lhekaʼ, Jeobá rhone kierha derha ta rkinherha kuenda ibanrha lhezekan rhonhe ga siʼrha banheza ki yelaneban kierha (blaba Hechos 14:17).
2. Nákaʼ gluerha rsákarha yelaneban nona kierha Jeobá
Katiʼ xhozixhnalho gnisiekene sualho, Jeobá gzueʼ lueʼ kuenda. Jeobá bhenheʼ na David gneʼ: «Bleʼlho nhedia katiʼ niyotiaʼ lo lheʼn xhnaʼ» (Salmo 139:16). Jeobá zueʼ lueʼ kuenda (blaba Mateo 10:29-31). Jeobá wazuayechieʼ cheʼ ilene to beneʼ gotieʼ beneʼ, o gotieʼ kuinhe (Éxodo 20:13). a Lhezekan wezuayechieʼ cheʼ rlenhe rhonnerha rzuarha rhuaguiaʼ yelaneban kierha o ku rhonrha sigorha yelaneban kierha lhen ki yezikalha beneʼ. Katiʼ rhonrha sigorha kuinrha lhen yezikalha beneʼ, rluerha rsákarha yelaneban nona kierha Jeobá.
KSEEDIRHA MÁSRHE KI TANÍ
Ni uyorha nákaʼ waka gluerha rsákarha yelaneban nona kierha Jeobá.
3. Byo sualho chhiaʼ
Ka beneʼ wenchhin ki Jeobá yogoniaʼ rgonkenechhin yelaneban kieke kanha leʼ rheyolachhie. Chi bdeke kuinke ki Dios ka to ta zaakaʼ, lhekaʼ rhala guioke kuinke chhiadi. Le ulaba Romanos 12:1, 2 na le ktzalaj ki taní:
-
Bixhkieʼ rhala guiolhoʼ kuinloʼ.
-
Nákaʼ wazeke gonloʼ kan.
4. Bhenchiʼ kuinloʼ lhen yezikalha beneʼ
Biblia rseedie rhoʼo ku ksakarha nakathezi yelaneban kierha. Le uyo VIDEO na yekebelho nákaʼ waka gonchiʼ kuinloʼ.
Le ulaba Proverbios 22:3 na le ktzalaj nákaʼ wazeke gonchiʼ kuinrha...
-
... lo yoʼo.
-
... lo chhin.
-
... katiʼ rheajrha wuitaj.
-
... katiʼ rsaarha carro.
5. Bhen balaʼn yelaneban ki bindoʼ kone rhalhajbi
David gneʼ, Jeobá nazie kuenda yelaneban ki to bindoʼ zeajbi rhenibi lo lheʼn xhnabi. Le ulaba Salmo 139:13-17 na le ktzalaj ki taní:
-
Bata rnhe Jeobá rzolho yelaneban ki to bindoʼ: a katiʼ rhalhajbi, o cheʼ katiʼ xhnabi rnisiene nuaguebi.
Ley bde Jeobá ki yechhi Israel bhenchiʼ nigolha nuake bindoʼ lhen bindonha yoobi lo lheʼnke. Le ulaba Éxodo 21:22, 23 na le ktzalaj ki taní:
-
Nákaʼ bleʼ Jeobá cheʼ to beneʼ sinka zueʼ kuenda gotieʼ to bindoʼ kone rhalhajbi.
-
Lhekaʼ, nákaʼ yekene cheʼ to beneʼ gonsine gotieʼ to bindoʼ kone rhalhajbi. b
-
Nákaʼ rhekelho kaʼ rhon kuenda Dios.
Lhenthe to nigolha rsáke yelaneban wazeke ichhin gonhe kuenda naka chhiaʼ kstinie bindoʼ kieʼ. Le ulaba Isaías 41:10 na le ktzalaj ki taní:
-
Cheʼ to nigolha rheeke leʼ kstinie bindoʼ kieʼ, no kie rhala inabe yodarhi. Lhen bixhkieʼ.
BALAKEʼ RNHEKE: «Toto nigolha rhala guioe cheʼ kstinie bindo kieʼ o cheʼ labi. Naka loneeʼ bi gonhe».
-
Nákaʼ nesloʼ Jeobá rsáke lhebirha yelaneban ki to nigolha nueʼ bindoʼ lhen bindonhaʼ yoobi lo lheʼnhe.
TA CHI BYEDIERHA
Yelaneban naka to ta zaakaʼ nona kierha Jeobá. Biblia rseedie rhoʼo gonrha balaʼn, gonchiʼrha, yekerha yelaneban kierha lhen ki yezikalha beneʼ.
A rhanelho
-
Nákaʼ nesrha Jeobá rsáke yelaneban kierha.
-
Nákaʼ rheke Jeobá katiʼ to beneʼ rhonsene rhotieʼ kuinhe o rhotieʼ beneʼ.
-
Nobí rdanhelho másrhe lo yelaneban kioʼ.
BYEDIE MÁSRHE
Nákaʼ wazeke gderha xhlhen Jeobá tan none kierha yelaneban.
A waziʼxhen Dios ki to nigolha bstinie bindoʼ kieʼ katinhaʼ.
«Bi rnhe Biblia cheʼ gotirha to bindoʼ ziʼ galhajbi» (Artículo ki jw.org)
Byo nákaʼ rleʼ Jeobá yelaneban lhen ta rheyolachhirha gonrha.
«A waka kitaja lhen ta gzua rhuaguiaʼ yelaneban kiaʼ» (¡Despertad!, 8 ki octubre ki 2000)
Byo bi rnhe Biblia cheʼ to beneʼ rhonhe kuenda gotieʼ kuinheʼ.
a Jeobá nazieʼ kuenda beneʼ nayoxhajnaguinaj lexhdokeʼ (Salmo 34:18). Leʼ nombeʼ garheedzo nákaʼ rhaka ki beneʼ rhonhe kuenda gotieʼ kuinhe na rheenheneʼ gonhe yodarhi beneʼ rhaka kieke kan. Blaba nákaʼ wazeke gon lueʼ yodarhi Xhtidzaʼ Dios lo artículo «A wazeke gon yodarhi nhedia Biblia cheʼ kurha rheenda suaʼ lhen rhonha kuenda gotiaʼ kuinhaʼ», ta yooʼ ga zua «Byedie másrhe» lo lecciónni.
b Cheʼ katinhaʼ to nigolha bstinigue bindoʼ kieʼ ku rhala kueki yikiajlaweʼ dolaxhguiani, lheʼ Jeobá zekuase sixhenhe kieʼ. Wanisielo másrhe ki taní cheʼ ulabalho «Bi rnhe Biblia cheʼ gotirha to bindoʼ kone rhalhajbi», ta yooʼ lo sección «Byedie másrhe» lo lecciónni.
