Cundétecabe yaga roble ne arce. Bidxiibacabe jma de 1,400 yaga lu layú stiʼ Warwick.

Cani cayuni dxiiñaʼ Warwick bietenaláʼdxicaʼ guendaguti stiʼ Cristu, lugar riʼ guyuu 384 binni. Ca testigu stiʼ Jiobá ni nuu lu guidubi Guidxilayú rúnicaʼ ni guiráʼ iza.

Ca carpinteru que cucaacaʼ ventana stiʼ caseta ni nuu entrada que. De raríʼ zadxagalúcabe cani ziguuyaʼ raqué, zuuyacabe cadi gaca ca binni que gastiʼ ne zuuyacabe guiuu carru stiʼ ca binni que ne ora guiree cani.

Ti hombre ne xiiñiʼ caguíxhecaʼ alfombra ndaaniʼ pasillu ni nuu lu guiropa pisu. Nuu lugar ra riuu stale binni gudíxhecabe ca alfombra que pur pieza; zacá qué zaca nagana para laacabe cueecabe ca alfombra ni maʼ guca feu.

Ca carpinteru que cayuni instalarcaʼ caadxi panel ni zanda chinecaʼ sti ladu ndaaniʼ ca oficina que. Ca panel riʼ zanda iquiiñeʼ cani para guibiguetaʼ gúnicabe xiixa oficina pa caquiiñeʼ gaca ni.

Ti voluntariu runi dxiiñaʼ ndaaniʼ ca bañu públicu ni nuu cueʼ recepción que ante gucuícabe ca taza stini né ca panel stini para guni dividir ca bañu que.

Equipu de Emergencias raca preparar para gusuíʼ ti lugar ra cá guí. Ni rúnicabe riʼ riguu ni listu ca bomberu ni nuu Betel para guni tendercaʼ ca accidente ca nagueenda ne gápacaʼ ca hermanu ni nuu Warwick ne ca edificiu que. Ndiʼ racané para cadi gápapeʼ ca binni ni ruuyaʼ intiica emergencia de lugar que stálepeʼ dxiiñaʼ.

Ti meseru rabi cani runi dxiiñaʼ Warwick paraa cuicaʼ ante guzulú adoración matutina ndaaniʼ comedor stini.

Ti gunaa ni runi dxiiñaʼ de carpinteru caquiiñeʼ ti nivel láser para gucaa tobi de ca jma de 2,500 letreru ra cá xi guni cani nabeza raqué né cani ziganna ni.

Ti gunaa soldadora cucaa ti guiibaʼ para capi binni ora maʼ ziguiibaʼ lu escalera ni nuu de ra recepción hasta ra auditorio. Ti manta ni qué riaaquiʼ ni rihuinni xagueteʼ de foto ca cuchii ni guiráʼ ni nuu gaxha de raqué.

Tobi de ca hermanu ni nuu lu Departamento de Paredes y Techos cunduuxeʼ pared ni nuu lu pasillu ni zeʼ neza ra nuu expocición «Un modelo de fe en acción», laani nga tobi de chonna exposición ra zanda cheʼ binni stubi. Modo biʼniʼ diseñarcabe ca foto que rusihuinni cani tema stiʼ cada exposición.

Caadxi hombre cayuni prepararcaʼ pisu de concretu para ti tratamientu ni guni sellar material ca, ndiʼ zuni ni jma naguidxi, qué zuni feu yudé ni, qué zacá diʼ seña llanta ni, ne jma nagueenda zusiácabe ni.

Ti equipu de carpinteru caguixhe fibra de vidriu ique yoo entrada stiʼ recepción. Ca panel ni ridiʼdiʼ biaaniʼ que rutiidiʼ cani biaaniʼ stiʼ gubidxa entrada que.

Caguixhe ti guendaxheelaʼ loseta de granito entrada stiʼ exposición «La Biblia y el nombre divino».

Ti gunaa carpinteru cayuni instalar tobi de ca 1,018 banguʼ ni nuu ra auditorio que. Auditorio riʼ zaquiiñeʼ ni para guiuundaʼ Torre stiʼ ni rapa para familia Betel ne xcaadxi programa espiritual.

Ti equipu de carpinteru, electricista ne xcaadxi voluntariu cayuni instalarcaʼ ti letreru ni napa biaaniʼ para gudii bienvenida ca binni ni guiuu ra recepción que.

Chupa binni de Equipu de Apoyo a la Construcción rinecaʼ nisa ra nuu cani cayuni dxiiñaʼ ra recepción que. Rusietenaláʼdxicabe ca equipu que guecaʼ nisa, jmaruʼ si ora nandáʼ.

Ti carpinteru cayuni instalar ca bitrina ra chitíxhecabe ca Biblia para exposición «La Biblia y el nombre divino». Parte de exposición riʼ zuchaacabe cani nexheʼ luni gatigá para uguucabe xcaadxi Biblia ne xcaadxi cosa ni caníʼ de laani.

Caquiiñecabe ti proyector para guihuinni ti mapa cueʼ yoo, ti carpinteru cayuni marcar ra nuu Australia, ne ca isla ni nuu Asia lu mapa ni nuu ra recepción que. Cueʼ pared ca rihuinni lá testigu stiʼ Jiobá lu casi 700 idioma.

Chupa chonna de familia Betel riecaʼ ti cursu para gánnacaʼ ximodo guidxaagalucaʼ ca betelita ni nacubi cayuu Warwick. Laaca gudixhenácabe laacaʼ de ca peligru ni nuu raqué.

Cugaanda caadxi hombre estructura ra ganda aníu ni guzaaniʼ mexaʼ stiʼ hermanu ni chigutiidiʼ JW Broadcasting. Stale de cani caquiiñecabe ca beedanécabe cani de Brooklyn, ra guyuu cani primé.

Ti electricista cayuni instalar ti cartel nacubi ni ruzaaniʼ LED entrada que. Stale de ca departamentu ni nuu sede mundial bizulú bíʼnicaʼ dxiiñaʼ Warwick 1 de septiembre.