Gudiʼnu ca ofrenda stinu Jiobá

ORA gacané tuuxa laanu, ximodo rusihuínninu rudiʼnu xquíxepeʼ laabe yaʼ. Guidúʼyanu ximodo bisihuinni ca xaíque stiʼ ca soldadu de Israel bidiicaʼ xquíxepeʼ Jiobá dxi gucanebe laacaʼ guni ganarcaʼ ca madianita. Laacabe gudíndecabe despué de bicheenécabe Jiobá ra biʼniʼ adorárcabe Baal de Peor. Neca zaqué gucané Jiobá laacabe guni ganárcabe, ne ni gúxhacabe ca binni que gundaacabe cani lu 12,000 soldadu ne lu guiráʼ ca binni de Israel. Despué gudxi Jiobá ca soldadu que gudiicaʼ caadxi de ca cosa que cani ruzaaquiʼ guʼxhuʼ, ne zaqueca biʼniʼ xcaadxi de ca israelita que ora bidiicaʼ caadxi de cani gucuaacaʼ ca levita que (Núm. 31:1-5, 25-30).

Peru ca xaíque stiʼ ca soldadu que nuucaʼ gudiicaʼ jma, ngue runi gúdxicabe Moisés ca diidxaʼ riʼ: «Laadu, ca siervu stiluʼ, maʼ bigábadu ca soldadu ni nuu lu nadu ne maʼ gúdxicabe laadu cadi cayaadxaʼ nin tobi de laadu». Gudixhe íquecabe gudiicabe Jiobá bigáʼ ne xcaadxi cosa de oro, ne guiráʼ ni bidiicabe que biaʼsi bizaa jma de 190 kilu (Núm. 31:49-54).

 Ca xpinni Dios ni nabani yanna riʼ, laaca racaláʼdxinu gusihuínninu rudiʼnu xquíxepeʼ Jiobá pur guiráʼ ni maʼ biʼniʼ pur laanu. Peru cadi laasinu racaláʼdxinu gúninu nga. Zacá rihuinni ni lu ni bizaaca ti hombre lu iza 2009. Laabe rusabe autobús, yenebe caadxi Testigu ne bibiguetanebe laacaʼ de ra guca ti guendaridagulisaa roʼ ra guyé binni de stale guidxi ndaaniʼ ti estadiu ni nuu Bolonia, ti guidxi de Italia. Cumu né stale cuidadu bisabe autobús que ne gúcabe nachaʼhuiʼ la? ca xpinni Cristu que guniʼcaʼ gucaacaʼ xiixa lu ti guiʼchiʼ huiiniʼ para gudiicaʼ xquíxepeʼ laabe ne gudiicaʼ laabe saca nagaʼndaʼ ne libru Xipeʼ ndiʼ cusiidiʼ Biblia. Peru hombre que gudxi laacabe: «Zanda guicaaʼ guiʼchiʼ huiiniʼ riʼ ne libru riʼ, peru zudxiguetaʼ bueltu riʼ laatu purtiʼ racalaʼdxeʼ gacaniáʼ lu dxiiñaʼ ni cayúnitu ca. Neca cadi testigu stiʼ Jiobá naa, racalaʼdxeʼ gacaniáʼ laatu purtiʼ maʼ biiyaʼ rúnitu dxiiñaʼ ca purtiʼ nadxiitu binni».

Ti modo zanda gusihuínninu cudiʼnu xquíxepeʼ Jiobá pur guiráʼ ni huayuni pur laanu nga, gudiʼnu de ni nápanu para gaca dxiiñaʼ stiʼ ca testigu stiʼ Jiobá lu guidubi naca Guidxilayú (Mat. 24:14). Lu cuadru ca zeeda ti lista ra cá caadxi modo zanda gacanenu para gaca dxiiñaʼ ca.

[Cuadru ni zeeda lu yaza 20, 21]

Modo Zanda Gudiʼnu

BUELTU NI RUDIʼNU PARA DXIIÑAʼ RACA LU GUIDUBI NACA GUIDXILAYÚ

Stale tu riguixhe pabiáʼ bueltu gusaba ndaaniʼ ca caja ra cá «Dxiiñaʼ raca lu guidubi Guidxilayú».

Guiráʼ beeu ruseendaʼ ca neza binni ridagulisaa bueltu ni rudiicabe ca Betel ni ruuyaʼ dxiiñaʼ raca xquídxicabe. Ca binni gacalaʼdxiʼ la? laaca zanda guseendaʼ bueltu dirección stiʼ Estados Unidos riʼ: Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-2483, o Betel ni ruuyaʼ dxiiñaʼ raca xquídxicabe. (Xcaadxi modo zanda gudii binni bueltu ni zeeda jma xagueteʼ ca laaca zanda guseendacabe cani Betel ni nuu xquídxicabe.) Ca cheque ca naquiiñeʼ guseendacabe cani para «Watchtower» ne chécani dirección ni maʼ bizéʼtenu ca. Laaca zanda gudiicabe bigáʼ o xcaadxi cosa risaca nápacabe, ne ora gúnicabe nga la? naquiiñeʼ guseendacabe ti carta huiiniʼ para gusiénecabe cusigáʼdecabe cani.

ZANDA GUININU XIMODO GUDIʼNU

Nuu sti modo ni láʼ fideicomisu para gudiʼnu bueltu Watch Tower Bible and Tract Society of Pennsylvania para iquiiñeni lu dxiiñaʼ ni raca lu guidubi naca Guidxilayú, ne zanda guicaanu bueltu ca ora guinábanu ni. Para gánnaluʼ jma la? guníʼ ra Tesorería (Treasurerʼs Office) lu teléfono (718) 560-7500 o bicaa lu dirección ni maʼ bizéʼtenu lu párrafo gudiʼdiʼ ca.

XCAADXI MODO ZANDA GUDIILUʼ BUELTU

Aparte de ni maʼ guninu ca la? nuu xcaadxi modo zanda gudiʼnu bueltu para gaca xhiiñaʼ Reinu lu guidubi naca Guidxilayú, casi cani zeeda raríʼ:

Seguro. Zanda gucaʼnu lá Watch Tower Bible and Tract Society of Pennsylvania para guiaanané seguro de vida stinu o plan de jubilación.

Cuenta bancaria. Zanda uguʼnu ca certificado stiʼ depósito, cuenta bancaria ne cuenta stinu pur guca jubilarnu ca lu ti fideicomisu ne naquiiñeʼ gucaacabe ni para Watch Tower Bible and Tract Society of Pennsylvania o guséʼndanu bueltu lu cuenta ca ora gátinu, pa ca ley de xquídxinu gudii lugar gúninu zacá.

Acción ne bono. Zanda gusigáʼdenu acción ne bono Watch Tower Bible and Tract Society of Pennsylvania. Pa tuuxa racalaʼdxiʼ gucaa zudii acción ne bono stiʼ gati si la? laaca zanda gucaabe cheni ra maʼ bizéʼtenu ca.

Inmuebles. Zanda gudiʼnu cani nápanu ni zanda guidoo casi yoo, ne gábinu laacabe xi zanda gúnicabe para guicaacabe ni o pa nabézanu ndaaniʼ yoo ca la? zanda cuézanu ndaaniʼ ni dede dxi gátinu. Ante gudiʼnu xiixa yoo nápanu la? jma jneza guininu Betel.

Para ganda guicaanu xiixa bueltu cada iza. Zanda gudii binni bueltu o sti cosa risaca ni napa para ti corporación stiʼ ca testigu stiʼ Jiobá, peru cada iza biaʼ dxi guibani binni ca zanda guicaa ti ndaa bueltu (o binni ni cuibe guicaa ni). Ne qué zaguíxebe impuestu pa gudiibe bueltu casi guninu ca.

Testamentu ne fideicomisu. Zanda gudiʼnu xiixa ni nápanu casi layú o bueltu stinu Watch Tower Bible and Tract Society of Pennsylvania, ne nezalú ti notariu gudiʼnu testamentu stini o gucaʼnu laani nga beneficiariu lu ti fideicomisu. Ca fideicomisu ni rudiicabe xiixa religión la? zándaca maʼ qué zaguíxecabe impuestu stini.

Casi maʼ guninu ra cá «xcaadxi modo zanda gudiiluʼ bueltu» ca la? cani gudii bueltu ca nga naquiiñeʼ quixhe ximodo gudii. Maʼ guyáʼ ti folletu huiiniʼ lu inglés ne diidxastiá ni láʼ Donaciones planificadas para favorecer el servicio del Reino en todo el mundo ni gacané cani racalaʼdxiʼ gudii bueltu para dxiiñaʼ stiʼ ca testigu stiʼ Jiobá ni raca lu guidubi naca Guidxilayú. Lu folletu ca zeeda xi guiráʼ modo zanda gudiicabe bueltu o ximodo gusigáʼdecabe xiixa risaca. Stale binni ora maʼ biluxe biindaʼ cani ne ora maʼ guniʼné abogadu o contador stiʼ la? óraca maʼ randa rudiicaʼ bueltu sticaʼ para gacanecaʼ gaca xhiiñaʼ Reinu lu guidubi naca Guidxilayú ne gacanecaʼ casi ra guniná ti xu ne zacá maʼ qué runi cobrar gobiernu laacaʼ impuestu. Zanda guinábatu folletu ca ra Oficina de Donaciones Planificadas (Charitable Planning Office).

Pa racaláʼdxiluʼ gánnaluʼ jma la? bicaa o guníʼ ra Oficina de Donaciones Planificadas, dirección ni zeeda xagueteʼ riʼ o guníʼ ra nuu Betel ni ruuyaʼ dxiiñaʼ raca xquídxiluʼ.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707