¿Ñee maʼ biindaluʼ ca últimu tema ni bedané revista Torre stiʼ ni rapa la? Yanna biiyaʼ pa zanda guicábiluʼ ca guendarinabadiidxaʼ riʼ:

Ora guicaa ca superintendente de circuito, ca ancianu ne xcaadxi hermanu ni napa xiixa privilegiu instrucción ni zeeda de organización stiʼ Dios, ¿xi actitud naquiiñeʼ gusihuínnicabe?

Naquiiñeʼ guzuubacabe diidxaʼ nagueendaca. Zanda guinabadiidxacabe: «¿Ñee racaniáʼ para chuʼ xcaadxi jma galán né Jiobá la? ¿Ñee ruzuubaʼ diidxaʼ ora guicaaʼ instrucción ne racaniáʼ gaca cani nagueenda la?» (w16.11, yaza 11).

¿Padxí guyuu cani dxandíʼ xpinni Cristu de esclavu Babilonia?

Cadi xadxí de guti ca apóstol que. Bizulú bihuinni ti grupu de binni ni beeda gaca xaíque stiʼ ca religión. Yuʼduʼ ne gobiernu jma bicaacaʼ binni chuʼ pur cani ná xpinni Cristu laacaʼ ni maʼ naca apóstata ne gucaláʼdxicaʼ nucueezacaʼ cani dxandíʼ xpinni Cristu, ni zeeda gaca casi trigu, para cadi nusiidicaʼ de Biblia. Peru lu ca década ni gudiʼdiʼ ante de iza 1914, bizulú biree ca ungidu de lu gueelacahui (w16.11, yaza 23 dede 25).

¿Xi rusihuinni gadxé nga guyubi binni ni chuulaʼdxiʼ si ne gadxé nga guyubi ni chuulaʼdxiʼ espíritu santu? (Rom. 8:6)

Ni ruyubi guni ni riuulaʼdxiʼ si la? jma riníʼ ique lu ca cosa ni riuulaʼdxiʼ guni ne cani rucaa beela ladi laa guni ne puru si de laacani maʼ caníʼ. Cani ruyubi guni ni riuulaʼdxiʼ espíritu santu la? riníʼ ique lu ca cosa stiʼ Dios ne runi stipa pur guiníʼ ique casi laabe. Rudii lugar guiníʼ ique casi modo guluíʼ espíritu santu laa. Tuuxa guyubi ni chuulaʼdxiʼ si la? zati ne tuuxa guyubi ni chuulaʼdxiʼ espíritu la? zapa guendanabani ne guendariuudxi (w16.12, yaza 15 dede 17).

¿Gunáʼ nga caadxi cosa zanda gúninu para cadi gápapenu ansiedad?

Primeru guni tendernu ni jma risaca, gánnanu nuu cosa ni qué zanda gúninu, cueenu tiempu guiráʼ dxi para guiziiláʼdxinu, guyadxinu guiráʼ ni bizáʼ Jiobá, chuʼnu nayecheʼ guiráʼ ora, gúninu ejerciciu ne gásinu biaʼ tiempu ni caquiiñeʼ (w16.12, yaza 22 ne 23).

¿Xiñee risácaruʼ nga gapa binni modestia?

Pa nápanu modestia la? qué zudxíʼbanu laca laanu ne zánnanu nuu cosa ni qué zanda gúninu. Naquiiñeʼ gánnanu zanda gacanenu o guninanu xcaadxi binni pur cani gúninu ne cadi guiníʼ íquenu puru si para laanu (w17.01, yaza 18).

¿Xi rusihuinni Dios nga biluíʼ grupu ni zániru ni guyuu lu primé siglu xi guni, cásica culuiʼbe cani nuu lu Grupu ni Zaniruʼ de yanna xi gúnicaʼ?

Gucané espíritu santu laacabe guiénecabe cani dxandíʼ rusiidiʼ Stiidxaʼ Dios, gucané ca ángel laacabe para biiyacabe dxiiñaʼ de guireeche diidxaʼ ne gúpacabe confianza guiráʼ modo biluíʼ Stiidxaʼ Dios laacabe gúnicabe. Ngaca nga rúnicabe yanna (w17.02, yaza 26 dede 28).

¿Gunáʼ nga ca razón ni nápanu para gudiʼnu xquíxepeʼ pur ni biaxa pur laanu?

Tapa de laacani nga: tuu nga gudixe pur laanu, xiñee bíʼnibe ni, xi biʼniʼ sacrificarbe para bíʼnibe ni ne xi guca pur laani. Naquiiñeʼ guiníʼ íquenu cani (wp17.2-S, yaza 4 ne 5).

¿Ñee zanda guchaa ti xpinni Cristu xiixa decisión la?

Neca naquiiñeʼ gúninu ni maʼ guninu, nuu biaje naquiiñeʼ guiníʼ íquenu pa jneza decisión gucuaanu. Dxi guca arrepentir ca binni de Nínive bichaa Dios decisión stiʼ ne maʼ qué nunitilú guidxi que. Pa guchaa xiixa o gánnanu xiixa nacubi, zándaca naquiiñeʼ guchaʼnu decisión stinu (w17.03, yaza 16 ne 17).

¿Xiñee ti peligru nga chisme?

Zándaca pur laacani gaca ti guendanagana jma naroʼbaʼ, ne nga nga ni jma feu. Pa nápanu razón o coʼ, guininu diidxaʼ ni guniná qué zuni chaahuiʼ ni guendanagana ca (w17.04, yaza 21).