ACOMODADOR. Nuu ca acomodador riʼ para gacanecaʼ lii. Ora gábicabe lii para zanda guzuhuaaluʼ carru stiluʼ, pa neza naquiiñeʼ saluʼ ndaaniʼ ca pasillu, ximodo cueeluʼ lugar ne xcaadxi cosa la? galán guzuubaluʼ stiidxacabe.

BAUTISMO. Pa qué guiníʼcabe sti cosa la? zaca apartar ca banguʼ ni nuu frente de plataforma para si ca ni chichuunisa. Naquiiñeʼ cuiʼ ca ni chichuunisa lu ca banguʼ riʼ ante guzulú discursu ni chitidiʼ para laacaʼ sábadu siadóʼ. Naquiiñeʼ guedané guirácabe ti tualla ne ti traje de bañu ni gusihuinni xpinni Cristu laacabe.

DONACIÓN. Raca stale gastu para guidxela banguʼ galán, equipu de sonidu ne de videu, ne para chuʼ xcaadxi serviciu ni gudii lugar laanu guni disfrutarnu de asamblea stinu ne ganda guidxíñanu jma gaxha de Jehová. Racané ca donación stiluʼ para guiaxa ca gastu riʼ ne para iquiiñeʼ ni lu obra mundial. Para ganda gusábaluʼ donación stiluʼ la? ndaaniʼ guidubi local de asamblea riʼ nuu caja ni napa letreru de donación. Laaca zanda gudiiluʼ donación stiluʼ lu internet, lu donate.jw.org. Risaca guiráʼ donación ni rúnitu. Racalaʼdxiʼ Grupu ni Zániru gudii xquixe peʼ lii pur ca donación ni rudiiluʼ para gacaneluʼ guidale guiráʼ ni napa Reinu.

PRIMEROS AUXILIOS. Naquiiñeʼ gánnaluʼ nuu departamentu riʼ para si xiixa emergencia.

OBJETOS PERDIDOS. Pa bidxélaluʼ xiixa la? yesaana ni ra Departamento de Objetos Perdidos. Pa binítiluʼ xiixa la? guyé ra departamentu riʼ para guyúbiluʼ ni. Laaca naquiiñeʼ chinécabe ca baʼduhuiiniʼ ni cananiti ra departamentu riʼ. Peru para cadi gaca estresarnu la? rinábadu lii gúʼyaluʼ ca xiiñiluʼ guiráʼ ora ne cadi gudiiluʼ lugar guixélecabe de lii.

BANGUʼ. Rinábadu lii guni respetarluʼ xcaadxi binni. Bietenalaʼdxiʼ zanda guni apartarluʼ banguʼ para familia si stiluʼ, para ca ni chineluʼ ndaaniʼ carru, para ca ni nabeza ra lídxiluʼ ne para ca binni ni rudiiluʼ estudiu. Cadi quíxheluʼ xiixa lu banguʼ ni qué zaquiiñeluʼ.

SERVICIO VOLUNTARIO. Pa racaláʼdxiluʼ gacaneluʼ lu ca dxiiñaʼ raca lu asamblea riʼ la? guyé ra Departamento de Información y Servicio Voluntario.