Stale binni ridxibi ca ni napa autoridad purtiʼ stale tu huaquiiñeʼ autoridad ni napa para guni ni riuulaʼdxiʼ si. Ne biaʼ dxi huabani binni lu Guidxilayú riʼ maʼ bihuinni zacá ni (Miq 7:3). ¡Gadxé peʼ modo naca xquidxi Dios! Maʼ bisiidiʼ Jehová ca ancianu iquiiñecaʼ autoridad ni nápacaʼ para gacanecaʼ congregación (Est 10:3; Mt 20:​25, 26).

Ca binni ni napa autoridad nabé ruyúbicaʼ para laasicaʼ, peru ca ancianu cadi zacá laacaʼ purtiʼ nadxiicabe Jehová ne nadxiicabe ca hermanu stícabe (Jn 21:16; 1Pe 5:​1-3). Runi ca ancianu stipa chinándacaʼ ni ná Jesús ne racanécabe ca hermanu chuʼcaʼ nayecheʼ ndaaniʼ familia stiʼ Jehová. Laaca racanécabe laacaʼ iguidxi fe sticaʼ ne chuʼcaʼ gaxha de Jehová. Ne ora guizaaca ti desastre o iquiiñeʼ cheʼ ca hermanu ra nuu doctor la? nuu ca ancianu listu para gacanecaʼ laacabe. Nga runi, pa caquiiñeluʼ tu gacané lii la? guniʼné ti ancianu (Snt 5:14).

DESPUÉ DE GÚʼYALUʼ VIDEU NI LÁʼ CA PASTOR NI RAPA CA DENDXUHUIINIʼ, ZANDA GUICÁBILUʼ CA PREGUNTA RIʼ:

• ¿Ximodo gucané ni biʼniʼ ca ancianu que Mariana?

  Respuesta

• ¿Ximodo gucané ni biʼniʼ ca ancianu que Elías?

  Respuesta

• Despué de biiyaluʼ videu riʼ, ¿xi riníʼ íqueluʼ de dxiiñaʼ ni runi ca ancianu?

  Respuesta