¿Ñuuláʼdxiluʼ ñácaluʼ casi Daniel la? Laa qué nusaana Jiobá neca bidxaagalú stale guendanagana. Biʼniʼ estudiar Daniel Stiidxaʼ Dios ne guleebe tiempu para guiénebe ca profecía jma nagana (Da 9:2). Ora guni estudiarluʼ ne cueeluʼ tiempu para guiéneluʼ ni zeeda lu Biblia, ¿ximodo zanda gacané ni lii cadi gusaanaluʼ Jiobá yaʼ? Zanda gápaluʼ confianza zuni cumplir Jiobá ca promesa stiʼ (Jos 23:14). Laaca zannaxhiiluʼ Dios, ne nga zucaa lii gúniluʼ ni jneza (Sl 97:10). Peru ¿pa ladu guzululuʼ yaʼ? Biiyaʼ ca sugerencia zeeda raríʼ.

• ¿Xi guneʼ estudiar yaʼ? Zanda gúniluʼ ti programa de estudiu ne luni zanda gucaaluʼ pora gaca prepararluʼ para reunión. Ora gúʼndaluʼ biaʼ ra nexheʼ guiuundaʼ Biblia cada semana, zanda guiziidiluʼ jma pa cueeluʼ tiempu guni investigarluʼ xiixa ni qué guiéneluʼ ora gúʼndaluʼ ni. Ne cadi ngasi, laaca nuu tu laa runi investigar jma de ca profecía zeeda lu Biblia, ca cualidad stiʼ espíritu santu, ca viaje misional biʼniʼ Pablo o guiráʼ ni bizáʼ Jiobá. Pa málasi gápaluʼ ti pregunta de lu Biblia, bicaa ni ne biʼniʼ investigar ni ora gúʼndaluʼ ni sti biaje.

• ¿Paraa zanda guidxelaʼ información yaʼ? Zadxélaluʼ xcaadxi sugerencia lu videu ni láʼ Herramienta ni zanda iquiiñeluʼ para guidxélaluʼ tesoro ni zeeda lu Biblia. Ti tema ni zanda guni investigarluʼ nga xi potencia mundial runi representar cada maniʼ duxhuʼ ni ruzeeteʼ capítulo 7 stiʼ libru stiʼ Daniel.

• ¿Pabiáʼ tiempu guneʼ estudiar yaʼ? Para chuʼnu nazaaca en sentidu espiritual la? cadi naquiiñeʼ gusaanaʼ de guni estudiarluʼ Biblia. Para cadi guireeluʼ gana, biʼniʼ investigar caadxi si ne chaahuidugá ziuuláʼdxiluʼ guni estudiarluʼ jma. Guni estudiarluʼ Biblia zeeda gaca ni casi ora nuyúbiluʼ tesoro, purtiʼ ora guidxélaluʼ tobi ziuuláʼdxiluʼ guyúbiluʼ jma (Pr 2:3-6). Jma zusisácaluʼ Stiidxaʼ Dios, ne qué zaca nagana para lii guni estudiarluʼ Biblia, ne zaca ni ti costumbre para lii (1Pe 2:2).

• Da 7:4

• Da 7:5

• Da 7:6

• Da 7:7

STI PREGUNTA NI ZANDA GUYÚBILUʼ:

¿Ximodo guca cumplir ni zeeda lu Daniel 7:8, 24?

STI COSA NI ZANDA GUNI INVESTIGARLUʼ:

¿Xi runi representar ca maniʼ duxhuʼ ni ruzeeteʼ capítulo 13 stiʼ Apocalipsis?