Pa racalaʼdxiʼ ca estudiante stinu gaca xhamígucaʼ Jehová cadi naquiiñeʼ guidxaagacaʼ binni ni qué runi ni jneza (Sl 15:1, 4). Pa gaca xhamígucabe binni nachaʼhuiʼ zacanecaʼ laacabe gúnicabe ni jneza (Pr 13:20; lff lección 48).

Naquiiñeʼ gácaluʼ nachaʼhuiʼ né ca estudiante stiluʼ ora gacaneluʼ laacaʼ gusaana de guidxaagacaʼ binni ni qué runi ni jneza purtiʼ zándaca gácani nagana para laacaʼ. Nga runi, cada biaje gudiiluʼ estudiu laacabe bisihuinni rizaaláʼdxiluʼ laacabe. Zanda guseenduʼ ti mensaje ra nuucabe, guiníʼneluʼ laacabe o chigánnaluʼ laacabe ti ratu. Ne ra jma ziyuni progresárcabe biʼniʼ xiixa para gunibiáʼcabe ca hermanu. Zacá zudiicabe cuenta jma zápacabe xhamígucabe (Mr 10:29, 30). Laaca guizáʼ ziécheluʼ ora gúʼyaluʼ cadale ca xpinni Jehová.

DESPUÉ DE GÚʼYALUʼ VIDEU NI LÁʼ GACANENU CA ESTUDIANTE STINU CADI GUIDXAAGACAʼ BINNI NI QUÉ RUNI NI JNEZA, ZANDA GUICÁBILUʼ CA PREGUNTA RIʼ:

• ¿Tuu nga ca binni ni qué runi ni jneza? (1Co 15:33).

• ¿Ximodo bixuiʼlú Coral raca divertir ca Testigu?

• ¿Ximodo gucané Rita Coral guchaa ca binni ni ridxaaga?