馬太福音 21:1-46
21 佢哋 就 快 到 耶路撒冷 ，途中 去 到 橄欖山 上面 伯法其 呢個 地方 ，耶穌 派 兩 個 門徒 出去 ，
2 同 佢哋 講 ：「你哋 去 前面 嗰 條 村 啦 ，一 入 到 去 就 會 見 到 一 隻 綁住 咗 嘅 驢 ，仲有 隻 驢 仔 同 佢 一齊 。你哋 解開 佢哋 ，拉 過嚟 俾 我 。
3 如果 有 人 問 你哋 做 乜嘢 ，你哋 就 話 ：『主 需要 用 佢哋 。』佢 就 會 即刻 俾 你哋 帶 兩 隻 驢 走 。」
4 呢 件 事 後嚟 真係 噉樣 發生 ，實現 先知 講 過 嘅 說話 ，就係 ：
5 「你哋 要 話 俾 錫安 城 *知 ：『睇 吓 ！你 嘅 王 嚟 緊 你 嗰度 。佢 性情 溫和 ，騎 喺 驢 上面 ，佢 騎 嘅 係 一 隻 驢 仔 ，一 隻 驢 嘅 幼 畜 。』」
6 門徒 就 照 住 耶穌 嘅 吩咐 去 做 。
7 佢哋 將 隻 驢 同埋 驢 仔 帶 過嚟 ，然後 將 外衣 鋪 喺 驢 嘅 背脊 上面 ，耶穌 就 坐 上去 。
8 人群 當中 有 好 多 人 將 自己 嘅 外衣 鋪 喺 條 路 嗰度 ，亦 都 有 人 斬 咗 啲 樹枝 落嚟 鋪 喺 路 上面 。
9 行 喺 佢 前面 ，同埋 喺 後面 跟住 嘅 人 ，都 不斷 大聲 話 ：「上帝 啊 ，求 你 拯救 大衛 嘅 子孫 ！奉 耶和華 *嘅 名 而 嚟 嘅 嗰位 係 有 福 嘅 ！祈求 天上 嘅 上帝 拯救 佢 ！」
10 耶穌 入 咗 耶路撒冷 城 ，全 城 就 開始 哄動 ，啲 人 問 ：「係 邊個 嚟 㗎 ？」
11 民眾 不斷 話 ：「佢 係 先知 耶穌 呀 ，係 喺 加利利 嘅 拿撒勒 嚟 㗎 ！」
12 耶穌 入 咗 聖殿 ，將 所有 喺 聖殿 裡面 做生意 嘅 人 ，同埋 佢哋 嘅 顧客 趕 出去 ，仲 推 冧 兌換 貨幣 嘅 商人 嘅 枱 ，同埋 賣 鴿 嘅 人 嘅 凳 。
13 耶穌 同 佢哋 講 ：「聖經 話 ：『我 嘅 聖殿 要 稱為 禱告 嘅 殿 。』但係 你哋 竟然 令 呢度 成為 強盜 嘅 巢穴 。」
14 盲 嘅 人 同埋 跛腳 嘅 人 嚟 聖殿 搵 佢 ，耶穌 就 醫好 佢哋 。
15 祭司長 同 抄經士 見 到 耶穌 施行 嘅 奇跡 ，又 見 到 啲 男仔 喺 聖殿 入面 大聲 話 「上帝 啊 ，求 你 拯救 大衛 嘅 子孫 」，就 好 嬲 ，
16 同 耶穌 講 ：「你 聽 唔 聽 到 佢哋 講 緊 乜嘢 呀 ？」耶穌 話 ：「聽 到 吖 。聖經 話 『你 令 小朋友 同埋 嬰兒 嘅 口 講 出 讚美 嘅 說話 。』你哋 冇 讀 過 咩 ？」
17 之後 ，耶穌 離開 呢 班 人 ，去 到 城 外面 嘅 伯大尼 ，喺 嗰度 過夜 。
18 一 朝早 耶穌 返 入 城 嘅 途中 ，覺得 肚餓 。
19 佢 見 到 路 邊 有 棵 無花果樹 ，就 行 埋 去 ，點知 發現 棵 樹 淨係 得 葉 ，冇 果實 ，於是 就 同 棵 樹 講 ：「從今以後 你 都 唔會 有 果實 。」無花果樹 就 即刻 枯萎 嘞 。
20 門徒 見 到 就 好 驚訝 ，話 ：「點解 眨 吓 眼 棵 無花果樹 就 枯 咗 嘅 ？」
21 耶穌 答 佢哋 話 ：「我 可以 好 肯定 噉 同 你哋 講 ，只要 有 信心 *，一啲 都 唔 懷疑 ，你哋 就 唔單止 做 到 我 對 無花果樹 做 嘅 事 ，就 連 吩咐 呢 座 山 ，『起身 ，去 到 海 嗰度 』，都 做 得 到 。
22 只要 你哋 有 信心 ，無論 你哋 禱告 求 啲 乜嘢 ，都 會 得到 。」
23 耶穌 入 咗 聖殿 ，教導 緊 人 嘅 時候 ，祭司長 同 人民 當中 嘅 長老 嚟 問 佢 ：「你 憑 咩 權力 做 呢啲 事 呀 ？邊個 叫 你 噉 做 㗎 ？」
24 耶穌 答 佢哋 ：「噉 我 都 問 你哋 一樣 嘢 吖 。如果 你哋 答 到 我 ，我 就 話 俾 你哋 知 ，我 憑 乜嘢 權力 做 呢啲 事 啦 。
25 邊個 派 約翰 嚟 施浸 呢 ？係 天上 嘅 上帝 吖 ，定係 人 呢 ？」佢哋 就 討論 ，話 ：「如果 我哋 答 係 『天上 嘅 上帝 』，佢 就 會 同 我哋 講 ：『既然 係 噉 ，你哋 點解 唔 相信 約翰 呀 ？』
26 但係 如果 我哋 答 『係 人 』，又 怕 激嬲 啲 民眾 噃 ，因為 佢哋 個個 都 認為 約翰 係 先知 。」
27 所以 佢哋 就 答 耶穌 ：「我哋 唔 知 呀 。」於是 耶穌 同 佢哋 講 ：「噉 我 都 唔 話 俾 你哋 知 ，我 憑 乜嘢 權力 做 呢啲 事 。
28 「聽 吓 你哋 嘅 睇法 吖 ？假設 一 個 人 有 兩 個 仔 。佢 同 第 一 個 仔 講 ：『阿仔 ，今日 你 去 葡萄園 度 做 嘢 吖 。』
29 呢個 仔 話 ：『我 唔 去 。』後嚟 佢 覺得 後悔 ，就 去 咗 。
30 爸爸 亦 都 同 第 二 個 仔 講 咗 同樣 嘅 說話 。呢個 仔 答 ：『好 呀 ，爸爸 。』但係 後嚟 冇 去 到 。
31 噉 呢 兩 個 仔 ，邊個 係 照 住 爸爸 嘅 意思 去 做 呢 ？」佢哋 答 ：「第 一 個 囉 。」耶穌 同 佢哋 講 ：「我 可以 好 肯定 噉 話 俾 你哋 知 ，收稅人 同埋 娼妓 會 早 過 你哋 進入 上帝 嘅 王國 。
32 因為 約翰 嚟到 ，向 你哋 指明 正確 嘅 道路 ，不過 你哋 唔 相信 佢 ，收稅人 同埋 娼妓 反而 相信 佢 。你哋 即使 見 到 噉樣 ，都 冇 覺得 後悔 ，仲係 唔 肯 相信 約翰 。
33 「又 聽 吓 另 一 個 比喻 吖 ：有 個 人 擁有 一 笪 地 ，喺 嗰度 種植 葡萄 ，四面 安 咗 圍欄 ，入面 挖 咗 個 酒榨 ，起 咗 座 瞭望塔 。佢 將 葡萄園 租 *俾 一啲 農戶 之後 ，就 出 咗 國 嘞 。
34 到 咗 收割 葡萄 嘅 季節 ，佢 派 奴隸 去 農戶 嗰度 收取 佢 應得 嘅 葡萄 *。
35 點知 嗰 班 農戶 將 佢 啲 奴隸 捉住 ，毒打 一 個 ，殺 咗 一 個 ，用 石頭 掟 死 一 個 。
36 之後 佢 再 派 其他 奴隸 去 ，仲 多過 之前 ，班 農戶 都 係 噉樣 對待 佢哋 。
37 最後 ，佢 派 自己 嘅 仔 去 農戶 嗰度 ，因為 佢 心 諗 ：『佢哋 會 尊重 我 個 仔 嘅 。』
38 班 農戶 見 到 佢 嘅 仔 ，就 商量 話 ：『佢 就係 繼承 葡萄園 嗰個 人 呀 。等 我哋 殺 咗 佢 ，噉 佢 會 繼承 嘅 產業 就係 我哋 㗎 喇 ！』
39 佢哋 就 捉住 佢 ，將 佢 拖到 去 葡萄園 外面 殺死 。
40 噉 葡萄園 嘅 主人 返嚟 嗰陣 ，佢 會 點樣 處置 嗰啲 農戶 呢 ？」
41 啲 聽眾 同 耶穌 講 ：「既然 佢哋 咁 邪惡 ，主人 應該 將 佢哋 全部 殺 晒 ，而且 將 葡萄園 租 俾 準時 交 果實 嘅 農戶 。」
42 耶穌 同 佢哋 講 ：「聖經 話 『建築 嘅 人 拋棄 嘅 石頭 ，成為 咗 最 重要 嘅 房角石 *。呢 塊 房角石 係 嚟自 耶和華 *㗎 ，對 我哋 嚟 講 真係 好 奇妙 。』你哋 從來 冇 讀 過 呢 句 說話 咩 ？
43 所以 我 話 俾 你哋 知 ，上帝 會 將 佢 王國 嘅 福分 喺 你哋 嗰度 攞 走 ，賜 俾 一 個 能夠 結 果實 嘅 國族 。
44 邊個 因為 呢 塊 石頭 而 失足 跌倒 ，就 會 遍體鱗傷 。而 邊個 俾 呢 塊 石頭 擊 中 ，就 會 被 粉碎 。」
45 嗰啲 祭司長 同埋 法利賽 派 嘅 人 聽 完 佢 嘅 比喻 ，就 睇 出 耶穌 係 講 緊 佢哋 。
46 佢哋 雖然 想 拘捕 佢 ，不過 好 驚 啲 民眾 ，因為 民眾 認為 耶穌 係 先知 。
