基督徒嘅生活
傳道與教導——幫助人成為基督徒嘅重要環節
耶穌吩咐佢嘅跟從者主動去幫助人成為基督徒。（太28:19）噉牽涉到傳道同教導呢兩個重要嘅環節。我哋可以不時問吓自己:“我可以點樣改進自己嘅傳道同教導技巧，幫助人成為基督徒呢？”
傳道
我哋應該主動去揾“配得嘅人”，而唔係等人哋嚟揾我哋。（太10:11）傳道嘅時候，我哋有冇把握機會同“遇見嘅人”攀談呢？（徒17:17）使徒保羅積極噉傳道，幫助咗呂底亞成為基督徒。（徒16:13-15）
“你喺朝早就要撒種，唔到夜晚都唔好停手”（傳11:6）
播放影片《“持續不懈噉”宣揚好消息——非正式見證、逐家逐户傳道》，然後討論以下問題:
-
阿森點樣把握生活中嘅機會，積極主動噉撒播真理嘅種子？
-
點解我哋一定要堅持不懈噉參與唔同形式嘅傳道工作？
-
喺你日常嘅工作同生活中，可以向邊啲人分享王國信息？
教導
要幫助人成為基督徒，淨係留低聖經書刊係唔够嘅。我哋需要做續訪同埋主持聖經討論，先可以幫助學生喺屬靈方面不斷進步。（林前3:6-9）不過，如果我哋付出咗好多努力去教導人真理，但係成果唔係好顯著，噉又點呢？（太13:19-22）我哋要繼續揾出内心情況好似“好土”一樣嘅人。（太13:23；徒13:48）
“栽種嘅係我，淋水嘅係亞波羅，但係促成生長嘅係上帝。”（林前3:6）
播放影片《“持續不懈噉”宣揚好消息——公衆場所見證、幫助人成為基督徒》，然後討論以下問題:
-
蘇弟兄夫婦點樣為埋藏喺阿杰夫婦心底嘅真理種子淋水呢？
-
我哋參與唔同形式嘅傳道工作，包括公衆場所見證，目標應該係乜嘢？
-
我哋點樣做，就係將注意力集中喺教導人聖經真理之上呢？
