马太福音 8:1-34
8 之后 ，耶稣 落 咗 山 ，有 一 大 班 人 跟住 佢 。
2 就 喺 呢个 时候 ，有 个 麻风 病人 走 过嚟 向 佢 下拜 ，佢 话 ：“主 啊 ，我 知道 只要 你 愿意 ，就 可以 令 我 好 返 *㗎 喇 。”
3 耶稣 伸 手 摸 佢 ，然后 话 ：“我 好 愿意 ！你 好 返 啦 。”嗰个 麻风 病人 就 即刻 好 返 。
4 耶稣 就 同 佢 讲 ：“唔好 话 俾 任何 人 知 呀 ，你 要 去 揾 祭司 俾 佢哋 检查 吓 ，亦 都 要 献上 摩西 法典 规定 嘅 礼物 ，噉 就 可以 向 佢哋 证明 你 已经 好 返 *嘞 。”
5 耶稣 到 咗 迦百农 ，有 个 军官 嚟 揾 佢 ，恳求 佢 ，
6 话 ：“先生 ，我 嘅 仆人 瘫 咗 呀 ，佢 而家 瞓 咗 喺 屋企 好 痛苦 。”
7 耶稣 同 佢 讲 ：“我 去 到 嗰度 就 会 医好 佢 㗎 嘞 。”
8 个 军官 回答 话 ：“先生 ，我 边度 配 请 你 嚟 我 屋企 吖 。你 只要 讲 一 句 说话 ，就 可以 医 返 好 我 嘅 仆人 嘞 。
9 我 自己 都 系 受 人 指挥 嘅 ，手下 亦 都 有 士兵 。我 同 呢个 讲 ：‘去 ！’佢 就 去 ；同 另 一 个 讲 ：‘过嚟 ！’佢 就 会 嚟 ；同 我 嘅 奴隶 讲 ：‘做 呢 件 事 吖 ！’佢 就 会 去 做 。”
10 耶稣 听 到 就 觉得 好 惊讶 ，同 跟随 佢 嘅 人 讲 ：“我 老实 同 你哋 讲 ，喺 以色列 我 都 未 见 过 咁 有 信心 嘅 人 。
11 不过 ，我 话 俾 你哋 知 ：将来 会 有 好 多 人 由 东方 、西方 嚟到 ，喺 天上 嘅 王国 同 亚伯拉罕 、以撒 、雅各 一齐 享用 宴席 *；
12 而 嗰啲 原本 可以 进入 王国 嘅 人 ，反而 会 被 揼 出去 外面 嘅 黑暗 之 中 。喺 嗰度 ，佢哋 会 痛哭 流泪 ，咬牙切齿 *。”
13 耶稣 跟住 同 个 军官 讲 ：“返去 啦 。既然 你 咁 有 信心 ，就 成全 你 啦 。”就 喺 嗰个 时候 ，军官 嘅 仆人 就 好 返 嘞 。
14 耶稣 去 到 彼得 屋企 ，见 到 彼得 嘅 外母 发 紧 烧 ，瞓 咗 喺度 。
15 耶稣 摸 一 摸 佢 只 手 ，佢 就 退 咗 烧 。跟住 佢 起身 整 啲 嘢 俾 耶稣 食 *。
16 到 咗 夜晚 ，有啲 人 带 咗 好 多 被 邪灵 操纵 嘅 人 嚟 揾 耶稣 。耶稣 只系 用 一 句 说话 就 将 啲 邪灵 赶走 ，仲 将 所有 病 咗 嘅 人 医 返 好 。
17 呢个 系 要 实现 以赛亚 先知 讲 过 嘅 说话 ：“佢 承担 我哋 嘅 病痛 ，背负 我哋 嘅 痛苦 。”
18 耶稣 见 有 好 多 人 围住 佢 ，就 吩咐 门徒 过 对面 岸 。
19 有 个 抄经士 走 埋 嚟 ，同 耶稣 讲 ：“老师 ，无论 你 去 边度 ，我 都 会 跟住 你 。”
20 不过 ，耶稣 同 佢 讲 ：“狐狸 有 洞穴 可以 住 ，天上 嘅 雀仔 有 巢 可以 栖身 ，但系 人子 *就 冇 属于 自己 嘅 屋企 *。”
21 另 一 个 门徒 嚟 同 耶稣 讲 ：“主 啊 ，求 你 俾 我 去 埋葬 爸爸 先 啦 。”
22 耶稣 同 佢 讲 ：“你 要 不断 跟随 我 ，等 死人 埋葬 死人 啦 。”
23 耶稣 上 咗 船 ，门徒 亦 都 跟住 佢 。
24 突然间 ，海面 刮起 强劲 嘅 风浪 ，海浪 涌 入 船 里面 ，不过 ，耶稣 就 喺度 瞓 紧 觉 。
25 门徒 嚟 叫醒 耶稣 ，话 ：“主 啊 ，救 吓 我哋 吖 ，我哋 就 快 浸 死 喇 ！”
26 耶稣 同 佢哋 讲 ：“点解 你哋 咁 惊 呢 ？你哋 嘅 信心 去 咗 边 呀 ？”耶稣 就 起身 制止 *风浪 ，周围 就 即刻 平静 返 嘞 。
27 大家 见 到 都 好 惊讶 噉样 讲 ：“佢 系 咩 人 嚟 㗎 ？竟然 连 风 同 海 都 听 佢 话 ！”
28 耶稣 过 咗 对岸 ，去 到 加大拉 人 嘅 地区 ，有 两 个 俾 邪灵 操纵 嘅 人 由 墓地 行 去 耶稣 嗰度 。呢 两 个 人 极 之 凶 悍 ，冇 人 够 胆 经过 嗰 条 路 。
29 忽然 间 ，佢哋 尖叫 ，然后 话 ：“上帝 嘅 仔 ，你 嚟 呢度 做 咩 呀 ？*时候 都 未 到 ，你 就 嚟 呢度 惩罚 我哋 呀 ？”
30 当时 ，离 远 有 一 大 班 猪 喺度 食 紧 嘢 。
31 啲 邪灵 就 求 耶稣 ，话 ：“如果 你 要 赶 我哋 出嚟 ，就 赶 我哋 去 啲 猪 度 啦 。”
32 耶稣 同 佢哋 讲 ：“去 啦 ！”佢哋 就 出嚟 ，入 咗 去 啲 猪 嘅 身体 。于是 ，全部 猪 就 冲 落 悬崖 *，跌 落 海 浸 死 晒 。
33 放猪 嘅 人 就 走入 城 ，将 成 件 事 ，包括 嗰 两 个 俾 邪灵 操纵 嘅 人 嘅 事 ，都 讲 晒 出嚟 。
34 跟住 ，全 城 嘅 人 都 出嚟 见 耶稣 。一 见 到 佢 ，就 求 佢 离开 佢哋 嘅 地区 。
脚注
^ 直译“洁净”。
^ 又译“向佢哋作见证”。
^ 享用宴席，又译“斜靠喺台前面”。
^ 形容愤怒、绝望嘅表情同行为。
^ 又译“服侍耶稣”。
^ 又译“冇枕头嘅地方”。
^ 直译“斥责”。
^ 又译“我哋同你有咩相干？”
^ 又译“峭壁”。
