Le kʼaʼaytaj k-beetkoʼ ku béeychajal yoʼolal le taakʼin ku siʼibil tumen tuláakal u testigoʼob Jéeobaoʼ. a Le taakʼin ku siʼibilaʼ jeʼel u páajtal u tsʼaʼabal teʼ cajaʼob yaan teʼ tuʼux k-muchʼikbaoʼ wa jeʼex u tsoʼolol teʼ jw.org. Le máax taak u síik wa bajuxoʼ jeʼel u páajtal u yéeyik wa taak u tsʼáaik utiaʼal le meyaj ku beetaʼal tuláakal yóokʼol kaaboʼ, utiaʼal le baʼaxoʼob kʼaʼabéet teʼ tuʼux k-muchʼikbaoʼ wa utiaʼal le kaʼapʼéel baʼaloʼobaʼ.

 Maʼatech u yaʼalaʼal bajux unaj u tsʼáaik cada testigo, maʼatech u boʼotkoʼob diezmo mix uláakʼ baʼal (2 Corintios 9:7). Teʼ tuʼux k-muchʼikbaoʼ maʼatech u máan kʼáatbil taakʼiniʼ mix tech u boʼotik máak u yookliʼ. Le máaxoʼob ku kaʼansajoʼoboʼ maʼatech u cobrarkoʼob ikil u tsʼáaikoʼob u yokjaʼ máak, u máanskoʼob junpʼéel discurso kéen kíimik wa máax, kéen tsʼoʼokok u beel wa máax mix yoʼolal uláakʼ baʼaloʼob. Maʼatech k-konik janal mix uláakʼ baʼaloʼob utiaʼal k-juntartik taakʼin k-tsʼáa tiʼ k-religión. Maʼatech k-beetik fiestaʼob, rifaʼob wa uláakʼ baʼaloʼob utiaʼal k-juntartik taakʼin, mix tech k-kʼáatik taakʼin tiʼ le máakoʼoboʼ. Maʼatech k-aʼalik u kʼaabaʼ le máaxoʼob síikoʼob taakʼinoʼ (Mateo 6:2-4). Tsʼoʼoleʼ teʼ sitio yaantoʼon ich Internet yéetel teʼ publicaciónoʼoboʼ maʼatech u anunciartaʼal baʼaloʼob utiaʼal konbiliʼ.

 Cada meseʼ teʼ tuʼux ku muchʼkuba u testigoʼob Jéeobaoʼ ku tsʼaʼabal ojéeltbil bajux siʼibi yéetel bajux xuʼupi. Cada wa baʼax kʼiin xaneʼ ku yilaʼal wa maʼalob bix meyajnajik le taakʼin siʼiboʼ (2 Corintios 8:20, 21).

•   Cajaʼob: Jeʼel u páajtal a síik wa bajux yéetel taakʼin wa yéetel junpʼéel chequeeʼ, lelaʼ jeʼel u páajtal a tsʼáaik teʼ cajaʼob yanoʼob teʼ jejeláas tuʼux k-muchʼikbaoʼ.

•   Ich Internet: Tiʼ yaʼab luʼumoʼobeʼ jeʼel u páajtal u meyajtech le jaats yaan ich Internet «Síi wa bajux tiʼ u testigoʼob Jéeoba». Jeʼel u páajtal a síik le bajux a kʼáat yéetel tarjeta de crédito, de débito, a depositartik taakʼin wa u meyajtech uláakʼ baʼaloʼob. b Jujuntúul u testigoʼob Jéeobaeʼ ku chʼaʼtuklikoʼob bajux ken u síiʼob yéetel ku programarkoʼob utiaʼal u túuxtikoʼob cada mes (1 Corintios 16:2).

•   Siibaloʼob ku chʼaʼtuklaʼal bix kun tsʼaabil: Yaan horaeʼ ku kʼaʼabéettal u kʼáataʼal u yáantaj juntúul máax jach u yojel baʼax ku yaʼalik le leyoʼoboʼ. Yaʼabeʼ ku xakʼaltik baʼax utsil jeʼel u páajtal u kʼamik wa ku síik wa baʼaxeʼ. Yanoʼob xaneʼ ku chʼaʼtuklikoʼob baʼaxoʼob ku páajtal u síikoʼob beoraaʼ wa kéen kíimkoʼob. Jeʼel u páajtal a tʼaan tu sucursal u testigoʼob Jéeoba naatsʼ teʼ tuʼux kajaʼanechoʼ. Letiʼobeʼ jeʼel u yáantkechoʼob a wil le jejeláas bix jeʼel a síik taakʼin jeʼex:

  •   u depositarta’al taak’in

  •   seguro de vida wa pensión

  •   terrenoʼob wa uláakʼ baʼaloʼob jeʼel u páajtal u koʼonoleʼ

  •   acciones wa bono

  •   testamento wa fideicomiso

 Utiaʼal a wojéeltik u maasil bix jeʼel a síik taakʼin teʼ luʼum tuʼux kajaʼanechoʼ, ilawil «Síi wa bajux tiʼ u testigoʼob Jéeoba».