Táan u beetaʼal armazones de acero utiaʼal u techoil le residencia C.

Foto chʼaʼab desde tu noojolil le terrenooʼ. Le máax chʼaʼ le fotooʼ táan u paakat xaman, tu tojil u lagoil Sterling Forest (Blue Lake). Yaan horaeʼ tak 13 gruaʼob ku meyajoʼob junpuul. Paachileʼ táan u láalaʼal le concreto kʼaʼabéet utiaʼal u cimientoil le residencia B.

Vigaʼob yéetel columnaʼob de acero listokíintaʼan utiaʼal u tsʼaʼabal tuʼux kʼaʼabéet. U meyaj baʼaloʼob de acero utiaʼal u beetaʼal le edificioaʼ ku tsʼáaik tuʼux u yantal cuartoʼob kóochtakoʼob tiʼ cada piso. Tsʼoʼoleʼ beyoʼ maas séeb u bin le meyajoʼ.

Táan u armartaʼal le techo kun tsʼaabil yóokʼol junpʼéel u moduloil le residencia C. Ku piʼixil yéetel lámina de zinc bey xan yéetel junpʼéel baʼal ku beetik maʼ u yokol jaʼiʼ. Paachileʼ ku yilaʼal bix u yúuchul meyaj tu táanchumukil junpʼéel techo.

Táan u tsʼaʼabal vigaʼob de acero naatsʼ tu noojol-chikʼinil le edificiooʼ. Teʼ kun tsʼaabil le cocinaoʼ, le kúuchil janaloʼ, le tuʼux kun pʼoʼobil nookʼoʼ bey xan uláakʼ kúuchiloʼob kʼaʼabéet tiʼ le betelitaʼoboʼ.

Táan u tsʼaʼabal junpʼéel hisopo tiʼ juntúul máak táan u meyaj teʼ tuʼux kun máan u jaʼil le sumiderooʼ.

Le xóot pakʼaʼ beetaʼab utiaʼal ka ilaʼak bix kun takʼbil le tabiquesoʼ, baʼax formail kun tsʼaabil tiʼ u yáamoʼob yéetel baʼax color kun tsʼaabil tiʼ le mezclaoʼ. Meyajnaj xan bey muestra utiaʼal le túumben albañiloʼob taaloʼob meyajoʼ. Teʼ fotoaʼ táan u paʼabal le pakʼoʼ tumen tsʼoʼok u meyaj.

Yéetel junpʼéel gruaeʼ táan u tsʼaʼabal u táanchumukil junpʼéel techo yáax armartaʼan. U techoil le edificioʼobaʼ de dos aguas, le oʼolal jatsʼuts u yilaʼal desde náachil.

Táan u yéemsaʼal junpʼéel u tanqueil gas de 95,000 litros. Le kun meyaj utiaʼal le boileroʼoboʼ, le nuʼukuloʼob ku meyaj utiaʼal u chokokíintaʼal jaʼoʼ.

Bix u yilaʼal le edificio desde noojoloʼ. Ta x-noʼojeʼ ku wéej ilaʼal le lago Sterling Forestoʼ (Blue Lake). Le jejeláas coloroʼob yéetel acabadoʼob tsʼaʼan tiʼ le pakʼoʼoboʼ ku maas jatsʼutskíintik le edificioʼoboʼ.

Juntúul máak yéetel u yataneʼ, tu kaʼatúulal plomeroʼobeʼ, táan u tsʼáaikoʼob le tubos tuʼux kun bin le jaʼoʼ. Ken tsʼoʼokkeʼ ku jaʼayal u concretoil le pisooʼ.

Táan u luʼsaʼal le nieve yaan teʼ techooʼ.

Juntúul máak yéetel u yataneʼ táan u yilkoʼob teʼ plano baʼax uláakʼ kun beetbil tumen le plomeroʼoboʼ.

Kex táan u kʼáaxal nieveeʼ, láayliʼ táan u páanaʼal le tuʼux ku yúuchul meyajoʼ, táan u armartaʼal le techoʼob kun tsʼaabil yóokʼol le edificioʼoboʼ yéetel táan u láalaʼal concreto. Kaʼanal ta x-tsʼíikeʼ chíikaʼan u yilaʼal le edificio pixaʼan yéetel lonaʼoboʼ, beyoʼ ku páajtal u seguer le meyaj tak tu temporadail keʼeloʼ: ku tsʼaʼabal concreto, ku yúuchul meyaj yéetel baʼaloʼob maʼ tu yeleloʼob.

Táan u tsʼaʼabal junpʼéel baʼal utiaʼal maʼ u yokol u yooxol le jaʼ ichil le pakʼoʼoboʼ, mix ichil u pisoil le balconesoʼ. Ken tsʼoʼokkeʼ ku tsʼaʼabal le pakʼoʼob de concretooʼ.

Foto chʼaʼab desde kaʼanal. Le máax chʼaʼ le fotoaʼ táan u paakat kaʼach teʼ chikʼinoʼ. Paachileʼ ku yilaʼal le residenciaʼoboʼ. Le sak edificio ku yilaʼal chúumukoʼ letiʼe tuʼux kun antal le oficinaʼob yéetel uláakʼ kúuchiloʼob kʼaʼabéetoʼoboʼ. Le terrenoaʼ yaan kex 100 hectáreas tiʼ, baʼaleʼ chéen u 20% kun meyaj utiaʼal u beetaʼal tuláakal le edificioʼoboʼ. Le beetkeʼ óoliʼ mix junkúul cheʼ tsʼoʼok u chʼaʼakal.

Foto chʼaʼab desde kaʼanal. Le máax chʼaʼ le fotoaʼ táan u paakat kaʼach teʼ lakʼinoʼ. Le yáax edificioʼob ku chíikpajloʼobaʼ letiʼe residenciaʼob C yéetel D. Teʼ residencia C, yaan máaxoʼob táan u tsʼáaikoʼob láminas utiaʼal u tsʼoʼoksaʼal le techo de dos aguasoʼ.

Juntúul carpintero táan u tsʼáaik junpʼéel piso de cheʼ tiʼ junpʼéel cuarto kun meyaj bey muestraeʼ. Kanpʼéel clases bix kun pʼatbil le cuartoʼoboʼ. Cada claseeʼ yaanal bix u color le pakʼoʼ, u pisoil, u alfombrail, u ladrillosil yéetel u mesetail.

Utiaʼal maʼ u yetsʼtal le jaʼ bey xan utiaʼal ka xiʼik teʼ tuʼux unajoʼ, le piso de concretooʼ maʼ yéetel máquina ku tsʼoʼoksaʼaliʼ, baʼaxeʼ yéetel u kʼab máak.

Juntúul técnico de 77 añoseʼ táan u tsʼáaik junpʼéel cable utiaʼal u conectartaʼal fibra óptica. Ku tuklaʼaleʼ le construccionaʼ yaan u bisik maas tiʼ 30 kilómetros tiʼ le cableaʼ.