Le Bibliaoʼ ku yaʼalik baʼaxten. Yáaxeʼ tumen wíinikeʼ kex u yojel u beet yaʼab baʼaloʼob sen maʼalobtakeʼ maʼ beetaʼab utiaʼal u nuʼuktik u kuxtal tu juunaliʼ. U kaʼapʼéeleʼ tumen «u túulisil yóokʼol kaabeʼ tiʼ yaan yáanal u páajtalil [Satanás] le j-Kʼasaʼanoʼ». Le oʼolal chéen kunel baʼax ku beetik wíinik utiaʼal u taasik jeetsʼelil way Luʼumeʼ. (Xok Jeremías 10:23; 1 Juan 5:19.)

Tsʼoʼoleʼ wíinikeʼ jach tsʼuʼut yéetel chéen u yutsil ku kaxtik. Utiaʼal ka yanak jeetsʼelileʼ kʼaʼabéet junpʼéel gobierno ka u kaʼans máak u yaabilt baʼax uts yéetel u yaabilt u yéet máakil. (Xok Isaías 32:17; 48:18, 22.)

Dios le Máax yaan tuláakal páajtalil tiʼoʼ yaan u tsʼáaik junpʼéel gobierno yóokʼol tuláakal le Luʼumaʼ, yéetel yaan u xuʼulsik tuláakal u gobiernoʼob wíinik (Daniel 2:44). Jesús u Paal Dioseʼ u Reyil Jeetsʼelil. Letiʼeʼ yaan u xuʼulsik le kʼasaʼaniloʼ yéetel yaan u kaʼansik wíinik kuxtal ich jeetsʼelil. (Xok Isaías 9:6, 7; 11:4, 9.)

Bejlaʼeʼ Jesuseʼ táan u nuʼuktik u millonesil máakoʼob utiaʼal ka meyajnaktiʼob le Biblia, u Tʼaan Dios, utiaʼal u kaʼanskoʼob máak kuxtal ich jeetsʼelil yéetel u maasiloʼ. Maʼ tun xáantaleʼ tiʼ tuláakal yóokʼol kaab kun antal jeetsʼelil. (Xok Isaías 2:3, 4; 54:13.)