Noj tsoltʼaan ¿Baʼax kʼiin ken yanak jeetsʼelil yéetel ken xuʼuluk u yantal saajkilil?

Tsʼoʼok u milesi jaʼaboʼob joʼopʼok u kaxtaʼal tumen le máakoʼob bix jeʼel u yantal jeetsʼelil yéetel u xuʼulul u chʼaʼabal saajkil, baʼaleʼ maʼ béeychajkoʼobiʼ. Le Bibliaoʼ ku yaʼalik kaʼapʼéel baʼax oʼolal, tsʼoʼoleʼ ku yaʼalikeʼ maʼ kun xáantaleʼ Dioseʼ yaan u taasik jeetsʼelil yéetel kiʼimak óolal way Luʼumeʼ.

¿Baʼax kʼiin yéetel bix ken u béeykuntil Dios le baʼax u yaʼalmaj u beetkaʼ? ¿Baʼax unaj k-beetik utiaʼal u yantal xan toʼon le baʼaloʼobaʼ? Le kʼáatchiʼobaʼ yaan u núukaʼal teʼ tsoltʼaan ku kʼaabaʼtik: «¿Baʼax kʼiin ken yanak jeetsʼelil yéetel ken xuʼuluk u yantal saajkilil?». Le tsoltʼaan jóoʼsaʼan teʼ Bibliaaʼ yaan u máansaʼal ich maas tiʼ doscientos treinta luʼumiloʼob. Óoliʼ tiʼ tuláakal tuʼuxoʼobeʼ yaan u máansaʼal tu Najil Reino tiʼ u J-jaajkunajoʼob Jéeoba (Testigos de Jehová) domingo 18 tiʼ abril tiʼ 2010. U J-jaajkunajoʼob Jéeoba kajaʼanoʼob teʼ tuʼux kajaʼanechoʼ, jeʼel u yaʼalkoʼobtech baʼax hora yéetel tuʼux kun beetbileʼ. K-invitarkech utiaʼal ka a láakʼintoʼon.