Kʼáatchiʼob ku beetaʼal
Kʼáatchiʼob ku beetaʼal
¿Baʼax kʼiin ka kʼuch u beetuba u siete nojoch gobiernoil le potencia angloamericana jeʼex u yaʼalik le profecíaʼoboʼ?
▪ Le nojoch estatua tu wayakʼtaj le rey Nabucodonosoroʼ, maʼatech u chíikbesik tuláakal le nukuch gobiernoʼoboʼ (Dan. 2:31-45). Baʼaxeʼ chéen ku chíikbesik le cinco gobiernoʼob yanchaj desde tu kʼiiniloʼob Danieloʼ yéetel jach tu pʼektoʼob u kaajal Diosoʼ.
Ka tu tsolaj Daniel baʼax ku chíikbesik le estatuaoʼ maʼ tu tsʼáaj naʼatbil wa letiʼe potencia angloamericana kun xuʼulsik tiʼ Romaoʼ, baʼaxeʼ tiʼ kun jóokʼoliʼ. Danieleʼ tu yileʼ u yook tak u dedosil u yook le estatuaoʼ, beetaʼan yéetel hierro. (Desde tu yook tak tu dedosil u yookoʼobeʼ xaʼakʼtaʼan yéetel hierro yéetel kʼat.) * Leloʼ ku yeʼesikeʼ le gobierno angloamericanaoʼ tiʼ kun jóokʼol teʼ tselekoʼob de hierrooʼ. Le baʼaxoʼob tsʼoʼok u yúuchloʼ ku yeʼesik jach jaaj lelaʼ. Gran Bretaña, yaan kaʼach ichil le luʼumiloʼob yaan yáanal u páajtalil Romaoʼ, joʼopʼ u yantal u páajtalil teʼ siglo 18. Ka máan kʼiineʼ Estados Unidoseʼ yanchaj xan u páajtalil. Baʼaleʼ teʼ kʼiinoʼob jeʼeloʼ láayliʼ maʼ yanak le u siete gobierno ku yaʼalik le profecíaʼoboʼ. ¿Baʼaxten maʼ yanakiʼ? Tumen teʼ kʼiinoʼoboʼ maʼ u muchʼubaʼob utiaʼal u meyajoʼobiʼ. Yanchaj u páaʼtaʼal u káajal le yáax nojoch baʼateltáambaloʼ.
Teʼ kʼiinoʼob jeʼeloʼ «u paalal le Reinooʼ, NM» jach u tsʼaamaj u yóol u meyajtoʼob Dios, maases tu luʼumil Estados Unidos, le meyaj ku beetkoʼoboʼ ku nuʼuktaʼal Brooklyn, tu noj kaajil Nueva York (Mat. 13:36-43). Tsʼoʼoleʼ yaan xan sukuʼunoʼob yéeyaʼanoʼob utiaʼal u binoʼob kaʼan ku kʼaʼaytajoʼob teʼ luʼumiloʼob yaan yáanal u páajtalil Gran Bretañaoʼ. Teʼ yáax nojoch baʼateltáambaloʼ, Gran Bretaña yéetel Estados Unidoseʼ tu muchʼubaʼob baʼateʼel tu contra uláakʼ gobiernoʼob. Tsʼoʼoleʼ tumen u maas yaʼabil le máakoʼob ku tsʼáaik u kuxtaloʼob yoʼolal u luʼumiloʼob le táan le baʼateltáambaloʼ, tu pʼektoʼob u chʼiʼibal «le koʼolel» ku keʼetel yéetel u yatan Diosoʼ, tumen xuʼul u chaʼikoʼob u beetaʼal jóoʼsaʼaniloʼob yéetel tu kʼaloʼob cárcel le máaxoʼob nuʼuktik le kʼaʼaytajoʼ (Apo. 12:17).
Bey túunoʼ, jeʼex u yeʼesik le profecíaʼoboʼ, le u siete nojoch gobiernooʼ maʼ chíikpaj le ka joʼopʼ u yantal u páajtalil Gran Bretaña tu tsʼoʼokbal le siglo 18, baʼaxeʼ chíikpaj tu káajbal u kʼiinil Yuumtsil. *
[Tsolajiloʼob]
^ xóot’ol 4 Le kʼat xaʼakʼtaʼan yéetel hierrooʼ ku chíikbesik le baʼaxoʼob (wa le máaxoʼob) yaan yáanal u páajtalil le potencia angloamericanaoʼ. Letiʼobeʼ desde úuchjeak káajak u luʼskoʼob u páajtalil.
^ xóot’ol 6 Lelaʼ ku túumbenkuntik le baʼax tsolaʼan teʼ libro Las profecías de Daniel, táan juʼun 57, xóotʼol 24, bey xan le baʼax tsolaʼan teʼ táan juʼun 56 yéetel 139.
[Foto yaan teʼ táan juʼun 19]
Ocho sukuʼunoʼob nuʼuktik le meyaj ku beetik le Watchtoweroʼ kʼaʼaloʼob cárcel tu mesil junio tiʼ 1918
