¿K-tsʼáaik wa yéetel yaabilaj le baʼaxoʼob yaantoʼonoʼ?

LE SUKUʼUNOʼOB kajaʼanoʼob kaʼach tu úuchben kaajil Filiposoʼ kʼaj óoltaʼaboʼob tumen jach yaʼab u síik u taakʼinoʼob utiaʼal u beetaʼal le meyajoʼob yaan yil yéetel u adorartaʼal Diosoʼ. Tiʼ junpʼéel carta tu tsʼíibtaj apóstol Pabloeʼ, tu yaʼalajtiʼob: «Jeʼel jaytéen kin kʼaʼajsikeʼexeʼ kin tsʼáaik gracias tiʼ in Jajal Dios. Le ken payalchiʼinakeneʼ mantatsʼ kin kʼáat óolal yéetel kiʼimak óolal tu yoʼolal tuláakleʼex; tumen meyajnajoʼon junmúuchʼ tiʼ u meeyjil le maʼalob péektsiloʼ, káajik tu yáax kʼiineʼ tak bejlaʼeʼ» (Fili. 1:3-5). Maʼ xaaneʼ Pabloeʼ kʼajaʼantiʼ bix u kʼamik uʼulaboʼob Lidia, le ka tsʼoʼok u yokjaʼeʼ, letiʼ yéetel le máaxoʼob yanoʼob tu yotochoʼ, tu kʼáat óoltoʼob tiʼ Pablo yéetel tiʼ u yéet kʼaʼaytajoʼob ka pʼáatakoʼob tu yotoch (Hch. 16:14, 15).

Ka máan kʼiineʼ Pabloeʼ pʼáat wa jaypʼéel semanaʼob tu yotoch le sukuʼunoʼob kajaʼanoʼob Tesalónicaoʼ, le múuchʼulil maʼ úuch káajak yaan tu kaajil Filipos, kex 40 leguas (160 kilómetros) yanil tiʼ Tesalónicaoʼ, kaʼatéen tu túuxtoʼob baʼal  jaantbiliʼ (Fili. 4:15, 16). Ka máan wa jaypʼéel jaʼaboʼob, teʼ kʼiinoʼob táan u aktáantaʼal yaʼab talamiloʼob tumen le sukuʼunoʼob kajaʼanoʼob Filipos yéetel tuláakʼ kaajoʼob tiʼ u luʼumil Macedonia yéetel «kex tumen jach táaj óotsiloʼobeʼ», tu túuxtoʼob áantaj tiʼ le sukuʼunoʼob yanoʼob Jerusalén táan u chʼaʼpachtaʼaloʼoboʼ. Pabloeʼ ku yaʼalikeʼ letiʼobeʼ «tu tsʼáajoʼob jeʼel bix ku páajtaloʼobeʼ». Yéetel tu yaʼalaj xan: «Tu jach kʼáat óoltoʼobtoʼon ka k-chaʼa u yáantajoʼob utiaʼal le sukuʼunoʼoboʼ» (2 Cor. 8:1-4; Rom. 15:26).

Kex diez jaʼaboʼob káajak u meyajtaʼal Dios tumen le filiposiloʼoboʼ láayliʼ u yáantkoʼob u maasileʼ. Le ka tu yojéeltoʼob kʼalaʼan Pablo tu kaajil Romaeʼ, tu túuxtoʼob Epafrodito utiaʼal u bisik baʼaxoʼob kʼaʼabéettiʼ, junpʼéel viaje de 325 leguas (1,300 kilómetros) ich kʼáaʼnáab yéetel luʼum. Lelaʼ ku yeʼesik le filiposiloʼoboʼ jach u kʼáat u yáantoʼob Pablo utiaʼal u páajtal u seguer u kʼaʼaytaj yéetel u yáantik le sukuʼunoʼob kex kʼalaʼanoʼ (Fili. 1:12-14; 2:25-30; 4:18).

Bejlaʼeʼ le máaxoʼob meyajtik Diosoʼ jach uts tu tʼaanoʼob u yáantajoʼob utiaʼal u seguer u kʼaʼaytaʼal le Reino yéetel u kaʼansaʼal u maasil máakoʼoboʼ (Mat. 28:19, 20). Le oʼolal ku xupik u tiempoʼob, u muukʼoʼob yéetel le baʼaxoʼob yaantiʼob utiaʼal u kʼaʼaytaʼal le maʼalob péektsiloʼ. Teʼ cuadrooʼ ku tsoʼolol le jejeláas bix jeʼel u páajtal k-áantaj utiaʼal u seguer u beetaʼal le meyaj u kʼubéentmaj Diosoʼ.

[Cuadro yaan teʼ táan juʼun 22 yéetel 23]

JEJELÁAS BIX JEʼEL K-TSʼÁAIK BAʼAXOʼOB YAANTOʼONEʼ

SIIBALOʼOB UTIAʼAL LE MEEYJIL KʼAʼAYTAJOʼ

Yaʼab sukuʼunoʼobeʼ ku jóoʼskoʼob u jaats tiʼ le taakʼin ku náajaltikoʼob utiaʼal u tsʼáaikoʼob teʼ caja ku kʼaabaʼtik «Utiaʼal le meeyjil kʼaʼaytajoʼ» (Obra mundial).

Cada meseʼ le múuchʼuliloʼoboʼ ku túuxtikoʼob tu najil Betel le taakʼin ku siʼibiloʼ. Le máax taak u síik taakʼin utiaʼal le meyajaʼ jeʼel u páajtal u túuxtik tu luʼumil Estados Unidos teʼ direccionaʼ: Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-2483, wa teʼ tu najil Betel nuʼuktik le kʼaʼaytaj tuʼux kajaʼanechoʼ. (Le siibaloʼob ku beetik máak, jeʼex le ku yaʼalaʼal maas kabaloʼ, jeʼel xan u páajtal u túuxtaʼal tu najil Betel nuʼuktik le kʼaʼaytaj tuʼux kajaʼanechoʼ.) Le chequeʼob ku túuxtaʼaloʼob teʼ dirección tsʼoʼok k-aʼalikoʼ unaj u tsʼaʼabal tu kʼaabaʼ «Watchtower». Jeʼel xan u páajtal u siʼibil alhajaʼob wa uláakʼ baʼaloʼob yaan u tojoloʼob, baʼaleʼ ken túuxtaʼakeʼ unaj xan u túuxtaʼal junpʼéel carta tuʼux ku yaʼalik siibil u beetaʼal.

TAAKʼIN MAJÁANTAʼAN

Jeʼel u páajtal u yoksaʼal taakʼin teʼ banco utiaʼal ka cobrartaʼak u interés (fideicomiso) tumen le Watch Tower Bible and Tract Society of Pennsylvaniaoʼ, lelaʼ yaan u meyaj utiaʼal u maas kʼaʼaytaʼal le maʼalob péektsiloʼ. Baʼaleʼ wa le u yuumil le taakʼin u kʼáatoʼ, jeʼel u páajtal u jóoʼsik u taakʼin teʼ bancooʼ. Utiaʼal a wojéeltik u maasil yoʼolal lelaʼ, tʼaanen teʼ Tesorería (Treasurerʼs Office) teʼ teléfonoaʼ (718) 560-7500, wa tsʼíibnen teʼ dirección t-yáax aʼaloʼ.

SIIBALOʼOB KU CHʼAʼTUKLAʼAL BIX KUN TSʼAABIL

Leloʼobaʼ uláakʼ bix jeʼel u yúuchul áantaj utiaʼal u maas kʼaʼaytaʼal le maʼalob péektsiloʼ:

Seguroʼob. Jeʼel u páajtal u yaʼalaʼal ka cobrartaʼak junpʼéel seguro de vida wa junpʼéel pensión tumen le Watch Tower Bible and Tract Society of Pennsylvaniaoʼ.

Taakʼin oksaʼan banco. Le taakʼin ku tsʼaʼabal tiʼ máak ken jubilartaʼakoʼ jeʼel u páajtal u yoksaʼal banco utiaʼal ka cobrartaʼak u interesil tumen le Watch Tower Bible and Tract Society of Pennsylvaniaoʼ. Bey xan jeʼel u páajtal u beetaʼal yéetel u reciboil le taakʼin oksaʼan bancooʼ (certificado de depósito) utiaʼal ka cobrartaʼak u interesil. Tsʼoʼoleʼ jeʼel xan u páajtal u cobrartaʼal le taakʼin tumen u najil Betel wa ku kíimil u yuumiloʼ, baʼaleʼ unaj u beetaʼal jeʼex u yaʼalik le bancooʼ.

Le reciboʼob ku tsʼáaik junpʼéel empresa ken tsʼaʼabak taakʼin u majáantoʼ. Leloʼobaʼ jeʼel xan u páajtal u pʼaʼatal tiʼ le Watch Tower Bible and Tract Society of Pennsylvania, utiaʼal ka meyajnak tiʼ jeʼel bix kʼaʼabéeteʼ. Tsʼoʼoleʼ jeʼel xan u páajtal u tsʼaʼabal u páajtalil tiʼ u cobrartik le taakʼin ken kíimik u yuumiloʼ.

Terrenoʼob yéetel najoʼob. Jeʼel u páajtal u pʼaʼatal tiʼ u najil Betel terrenoʼob wa najoʼob utiaʼal ka meyajnak tiʼ jeʼel bix kʼaʼabéeteʼ. Baʼaleʼ wa yaan máax kajakbaleʼeʼ jeʼel u páajtal u pʼáatal kajtal tak ken kíimkeʼ. Utiaʼal u beetaʼal le siibaloʼob beyaʼ, táanil unaj u tʼaan máak tu najil Betel.

Áantaj ku tsʼaʼabal yoʼolal junpʼéel nojoch siibal. Jeʼel u páajtal u pʼaʼatal yaʼabkach taakʼin wa junpʼéel baʼal jach yaʼab u tojol utiaʼal ka meyajnak tiʼ u najil Beteleʼ, baʼaleʼ cada jaʼabeʼ ku tsʼaʼabal áantaj tiʼ le máax tsʼáaikoʼ (wa tiʼ le máax ken u yaʼal ka tsʼaʼabak) tak ken kíimkoʼ. Le máaxoʼob beetik le siibaloʼob beyaʼ, maʼ yaʼab impuesto ku boʼotkoʼob teʼ jaʼab jeʼeloʼ.

Testamentoʼob yéetel u cobrartaʼal interés. Jeʼel u páajtal u pʼaʼatal taakʼin yéetel terrenoʼob tiʼ le Watch Tower Bible and Tract Society of Pennsylvaniaoʼ, baʼaleʼ leloʼ unaj u beetaʼal yéetel junpʼéel testamento tu táan juntúul notario. Tsʼoʼoleʼ jeʼel xan u páajtal u yoksaʼal taakʼin teʼ banco utiaʼal ka u cobrart u interesoʼ (fideicomiso). Le máaxoʼob beetik le siibaloʼob beyaʼ maʼ yaʼab impuesto ku boʼotkoʼobiʼ.

Jeʼex u yaʼalik le jaats «siibaloʼob ku chʼaʼtuklaʼal bix kun tsʼaabiloʼ», le siibaloʼob tsʼoʼok k-aʼalikaʼ unaj u chʼaʼtuklaʼal tubeel. Le máaxoʼob u kʼáat u yojéeltoʼob u maasil yoʼolal bix jeʼel u maas áantajoʼob utiaʼal ka kʼaʼaytaʼak le maʼalob péektsiloʼ, jeʼel u páajtal u xakʼaltikoʼob le folleto Donaciones planificadas para favorecer el servicio del Reino en todo el mundo. Le folletoaʼ ku tsolik le jejeláas bix jeʼel u páajtal u siʼibil taakʼin wa uláakʼ baʼaloʼob utiaʼal le kʼaʼaytajoʼ. Le folletoaʼ tsʼoʼok u péeksik yaʼab máakoʼob u tsʼaʼob nojoch áantaj utiaʼal u kaʼansaʼal yéetel u yáantaʼal yaʼab máakoʼob, yéetel tsʼoʼok xan u jóoʼskoʼob yaʼab utsil yoʼolal le baʼax ku beetkoʼoboʼ. Wa a kʼáateʼ, jeʼel u páajtal a kʼáatik le folleto teʼ Oficina de Donaciones Planificadas (Charitable Planning Office).

Wa a kʼáat a wojéelt u maasileʼ tsʼíibnen wa tʼaanen teʼ Oficina de Donaciones Planificadas, teʼ dirección yaan kabaloʼ wa jeʼel xan u páajtal a tʼaan tu najil Beteleʼ.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707