Yaan máax tuklikeʼ...

junpʼéel xuʼulsajil kun beetbil yéetel nukuch bombaʼob wa junpʼéel xuʼulsajil kun úuchul ikil u kʼaskúuntaʼal le Luʼum tumen wíinikoʼ. Techeʼ ¿baʼax ka tuklik?

Baʼax ku yaʼalik le Bibliaoʼ

Armagedoneʼ maʼ junpʼéel lugariʼ, baʼaxeʼ «u baʼatelil u noj kʼiinil le Dios yaan tuláakal páajtalil tiʼoʼ» (Apocalipsis 16:14, 16).

Baʼax uláakʼ ku yaʼalik le Bibliaoʼ

• Dioseʼ maʼ ken u xuʼuls le Luʼum ken u taas Armagedonoʼ, «baʼaxeʼ yaan a xuʼulsik tiʼ le máaxoʼob táan u kʼaskúuntikoʼ» (Apocalipsis 11:18).

• Armagedoneʼ yaan u xuʼulsik tuláakal le baʼateltáambaloʼoboʼ (Salmo 46:8, 9).

Techeʼ ¿bix a wilik?

• Jeʼeleʼ

• Maʼatech

• Maʼ xaaniʼ

Baʼax ku yaʼalik le Bibliaoʼ

«Junmúuchʼ yaʼabkach máakoʼob» jejeláas tuʼux u taaloʼob ken u salvartubaʼob tu kʼiinil «le nojoch yaayaj óolaloʼ» yéetel tu kʼiinil le Armagedonoʼ (Apocalipsis 7:9, 14).

Baʼax uláakʼ ku yaʼalik le Bibliaoʼ

• Dioseʼ maʼ u kʼáat u xuʼuls mix máak teʼ Armagedonoʼ, letiʼeʼ chéen ku xuʼulsik tiʼ le máax jach junpuliʼ maʼ u kʼáat u kʼex u kuxtaloʼ (Ezequiel 18:32).

• Le Bibliaoʼ ku yaʼalik bix jeʼel k-salvartikba teʼ Armagedonoʼ (Sofonías 2:3).