Lelaʼ letiʼe baʼax tu yaʼalaj juntúul chan x-chʼúupal 13 años yaantiʼ ka siʼib u chan alakʼ peekʼoʼ. Juntúul koʼolel yaan u empresa jach maʼalob u bin tiʼeʼ, tu yaʼaleʼ tu x-lóoʼbayanileʼ siʼib u computadora tumen u papá, lelaʼ le áant utiaʼal ka xiʼik utsil tiʼ. Juntúul máakeʼ siʼib junpʼéel jatsʼuts tarjeta tiʼ tumen u yatan le ka tu cumplirtoʼob junpʼéel año tsʼoʼokok u beeloʼoboʼ, letiʼeʼ tu yaʼaleʼ letiʼe regalo maas jatsʼuts tsʼaʼantiʼoʼ.

Cada añoeʼ yaʼab máakeʼ ku kaxtik junpʼéel baʼax «jach jatsʼuts» u síi tiʼ u amigo wa tiʼ u láakʼtsil. Tsʼoʼoleʼ ken u síi máak wa baʼaxeʼ ku páaʼtik xan ka aʼalaʼak tiʼ le baʼax tu yaʼalaj le máaxoʼob tsʼoʼok k-chʼaʼchiʼitikoʼ. Ken a síi wa baʼaxeʼ, ¿a kʼáat wa ka aʼalaʼaktech beyoʼ? ¿A kʼáat wa ka siʼibiktech junpʼéel baʼal jatsʼuts a wilik?

Jach ku kiʼimaktal u yóol le máax ku kʼamik junpʼéel siibaloʼ, bey xan le máax tsʼáaikoʼ. Le Bibliaoʼ ku yaʼalik: «Maas ku taasik kiʼimak óolal u tsʼaʼabal wa baʼax ke u kʼaʼamal» (Baʼaxoʼob [Hechos] 20:35). Tsʼoʼoleʼ wa le máax kʼamik le siibal ku tsʼáaik u diosboʼotikiloʼ, maas ku kiʼimaktal u yóol máak.

¿Bix jeʼel u kiʼimaktal k-óol ken k-síi wa baʼaxeʼ? ¿Baʼax regalo jeʼel u taasik kiʼimak óolal tiʼ wa máaxeʼ? Maʼ xaaneʼ maʼ tu páajtal k-tsʼáaik junpʼéel regalo jach koʼoj, baʼaleʼ jeʼel u páajtal k-ilik bey baʼax uts tu yicheʼ, ¿bix jeʼel k-ojéeltikeʼ?