Kéen k-xok le Bibliaoʼ k-kʼáateʼ tuláakal le baʼax k-kanikoʼ ka kʼuchuk t-puksiʼikʼal yéetel ka u yáantoʼon k-beet baʼax uts tu tʼaan Dios. Utiaʼal leloʼ jeʼel u páajtal k-beetik jeʼex Esdraseʼ, letiʼ kaʼacheʼ ku «preparartik u puksiʼikʼal utiaʼal u xakʼaltik u Ley Jéeoba» (Esd. 7:10). ¿Bix jeʼel k-beetik jeʼex letiʼeʼ?

Orarnen. Antes tiʼ u káajal a xookeʼ kʼáat tiʼ Jéeoba ka u yáantech a naʼat le baʼax ka xokikoʼ yéetel ka u yáantech a tsʼáa ichil a kuxtal (Sal. 119:​18, 34).

Eʼes kabal óolal. Jéeobaeʼ ku taʼakik le kaʼansajoʼob tiʼ le máakoʼob jach ku creerkubaʼob yéetel ku tuklikoʼob jach táaj yaan u naʼatoʼoboʼ (Luc. 10:21). Maʼ a investigar chéen utiaʼal a weʼesik tiʼ u maasil jach yaʼab baʼal a wojel. Kéen xooknakecheʼ wa ka wilik yaan baʼaxoʼob kʼaʼabéet a wutskíintik ichil a kuxtaleʼ, eʼes kabal óolal yéetel beet le kʼeexoʼob kʼaʼabéetoʼ.

Uʼuy junpʼéel kʼaay. Le kʼaayoʼoboʼ ku afectartik bix u yuʼubikuba máak. Le beetkeʼ wa k-uʼuyik junpʼéel tiʼ le kʼaayoʼob ku jóoʼsik u kaajal Jéeoba antes tiʼ k-xakʼalxookeʼ, leloʼ yaan u yáantkoʼon ka tuukulnakoʼon tiʼ Jéeoba yéetel yaan xan u yáantkoʼon utiaʼal ka kʼuchuk t-puksiʼikʼal le baʼax k-xokikoʼ.