Ilawil bix tsʼoʼok u yáantaʼal jujuntúul máakoʼob ikil u xokikoʼob yéetel u beetkoʼob baʼax ku yaʼalik le Bibliaoʼ.

Fionaeʼ ku yaʼalik: «Bejlaʼeʼ maas maʼalob in wuʼuyikinba. Maʼatech u jach pʼáatal chéen táan in tuukul. Maas kiʼimak in wóol».

Gnitkoeʼ ku yaʼalik: «U xookil le Bibliaoʼ tsʼoʼok u beetik u yantal u biilal in kuxtal».

Andreweʼ ku yaʼalik: «Bejlaʼeʼ maas kiʼimak in wóol tumen maʼ jach chʼiiklen chéen meyajiʼ, baʼaxeʼ maases kin máansik tiempo yéetel in familia».

Yaʼab máakoʼob tiʼ tuláakal yóokʼol kaabeʼ bey xan u yuʼubikubaʼoboʼ yéetel tsʼoʼok xan u yilkoʼobeʼ yaʼab utsil ku taasik u beetaʼal baʼax ku yaʼalik le Bibliaoʼ.

¿Jach wa tu jaajil jeʼel u yáantkoʼon le Bibliaoʼ? Koʼox ilik bix jeʼel u yáantkech a:

• Kanáant a wíinklil

• Controlart bix a wuʼuyikaba

• Bisaba maʼalob yéetel u maasil

• Kanáant a taakʼin

• Natsʼaba tiʼ Dios

Le xookoʼob ku taasik le revistaaʼ yaan u yáantkech a wil tiʼ Dios u taal le Bibliaoʼ yéetel bix jeʼel a jóoʼsik u yutsil baʼax ku kaʼansikeʼ