Junmúuchʼ ken k-kʼaay tiʼ Dios
Éemse:
1. Sáamsamal táan k-muʼyaj,
le Luʼumaʼ tsʼoʼok u kʼastal.
Le kaajoʼoboʼ taak u kaxkoʼob
jeetsʼelil tiaʼal tuláakloʼon,
baʼaleʼ u jaajileʼ
chéen táan u sen baʼateloʼob.
Jach mun xáantaleʼ leloʼ yaan u máan.
¡Yaʼab jeetsʼelil kun antal!
(CORO)
Way teʼ Luʼumaʼ
yaan k-múul kʼaay.
U Tʼaan Dioseʼ
yaan u láaj béeychajal.
¡Junmúuchʼ ken k-kʼaay mantatsʼ!
2. Le baʼax táan k-páaʼtikoʼ
Jéeoba prometertiktoʼon.
Kex teʼ kʼiinoʼob táan k-sen muʼyajaʼ
Jéeobaeʼ táan u kanáantkoʼon,
ku tsʼáaiktoʼon jeetsʼelil
tiaʼal maʼ k-chʼaʼik saajkilil,
yéetel jach k-ojel mun xáantaleʼ
yaan u xuʼulsik baʼax kʼaas.
(CORO)
Way teʼ Luʼumaʼ
yaan k-múul kʼaay.
U Tʼaan Dioseʼ
yaan u láaj béeychajal.
¡Junmúuchʼ ken k-kʼaay mantatsʼ!
(CHAN JAATS)
Jeetsʼelil ken u taas
u gobierno Jéeoba.
Le kéen xuʼulsaʼak xan le kíimiloʼ
tuláakloʼon yaan k-xoltal
tu táan k-Yuumtsil Jéeoba.
(CORO)
Way teʼ Luʼumaʼ
yaan k-múul kʼaay.
U Tʼaan Dioseʼ
yaan u láaj béeychajal.
Way teʼ Luʼumaʼ
yaan k-múul kʼaay.
U Tʼaan Dioseʼ
yaan u láaj béeychajal.
¡Junmúuchʼ ken k-kʼaay mantatsʼ!
¡Junmúuchʼ ken k-kʼaay tiʼ Dios!
