KʼAAY 62
Junpʼéel túumben kʼaay
(Salmo 98)
-
1. Koʼox kʼayik tiʼ Dios junpʼéel jach túumben kʼaay jatsʼuts.
Koʼoneʼex nojbeʼenkúunsik u kʼaabaʼ tiaʼal mantatsʼ.
Tiʼ le kʼiinoʼobaʼ kʼaʼabéet k-jach kʼaʼaytikeʼex lelaʼ:
«Jaaj le baʼax u yaʼalmoʼ,
jach maʼalob u reinar».
(CORO)
¡Koʼoneʼex kʼaay
u yuʼub tuláakal máak!
¡Koʼox kʼayik
táan u reinar Jéeoba!
-
2. Tiʼ le kʼiinoʼobaʼ unaj k-kʼayik jach kʼaʼam lelaʼ:
«Dioseʼ tsʼoʼok u beetik yaʼab baʼaloʼob jatsʼutstak».
Koʼoneʼex muchʼikba tuláakloʼoneʼex tu táan Jéeoba,
koʼox kʼayik le kʼaayoʼ
tumen jach kiʼimak k-óol.
(CORO)
¡Koʼoneʼex kʼaay
u yuʼub tuláakal máak!
¡Koʼox kʼayik
táan u reinar Jéeoba!
-
3. Nojbeʼenkúunsaʼak Dios tumen le kaʼanal puʼukoʼoboʼ.
Kʼáaʼnáab yéetel kʼáaxoʼob táan u kiʼikiʼtʼantkoʼob.
Yaʼabach máakoʼob táan u kʼaayoʼob tiʼ Dios sáamsamal.
Tak teʼ kaʼan ku yuʼubaʼal
le túumben kʼaay jaʼtsaʼ.
(CORO)
¡Koʼoneʼex kʼaay
u yuʼub tuláakal máak!
¡Koʼox kʼayik
táan u reinar Jéeoba!
(Ilaʼak xan Sal. 96:1; 149:1; Isa. 42:10.)
