KʼAAY 61
Chúukpajak a wóoleʼex, Testigoʼex
-
1. Teʼ kʼiinoʼobaʼ kʼaʼabéet k-eʼesik chúukaʼan k-óol,
tumen Satanaseʼ táan u chʼaʼpachtikoʼon.
Letiʼeʼ maʼ ten u beet u xuʼulul
k-kaʼansik le baʼax ken u beet Jéeoba Diosoʼ.
(CORO)
Tsʼáa⁀a wóoleʼex teʼ kʼaʼaytajoʼ. ¡Ma sajaktaleʼex!
Unaj k-meyajtik Jéeoba yéetu jaajil k-óol.
Maʼ tun xáantaleʼ yaan k-kʼamik yaʼab utsiloʼob
teʼ jatsʼuts túumben luʼum táan u taaloʼ.
-
2. Chʼaʼpʼektajil yéetel yaʼab talamiloʼob
k-aktáantik tu yoʼolal le maʼalob péektsiloʼ.
Lelaʼ maʼatech u sajakkúunskoʼon.
Jéeoba Dioseʼ mantatsʼ yaan u kanáantkoʼon.
(CORO)
Tsʼáa⁀a wóoleʼex teʼ kʼaʼaytajoʼ. ¡Ma sajaktaleʼex!
Unaj k-meyajtik Jéeoba yéetu jaajil k-óol.
Maʼ tun xáantaleʼ yaan k-kʼamik yaʼab utsiloʼob
teʼ jatsʼuts túumben luʼum táan u taaloʼ.
-
3. Táan u sen pʼaʼastaʼal u kʼaabaʼ Jéeoba Dios;
ku yaʼalaʼal chéen tuusoʼob le baʼax ku yaʼalikoʼ.
Mun xáantaleʼ yaan u yojéeltaʼal
chéen Jéeoba u nojchil way yóokʼol kaabeʼ.
(CORO)
Tsʼáa⁀a wóoleʼex teʼ kʼaʼaytajoʼ. ¡Ma sajaktaleʼex!
Unaj k-meyajtik Jéeoba yéetu jaajil k-óol.
Maʼ tun xáantaleʼ yaan k-kʼamik yaʼab utsiloʼob
teʼ jatsʼuts túumben luʼum táan u taaloʼ.
(Ilaʼak xan Éxo. 9:16; Fili. 1:7; 2 Tim. 2:3, 4; Sant. 1:27.)
