1. U Tʼaan Dioseʼ ku yáantikoʼon

utiaʼal mu lúubul k-óol

tumen le baʼax ku kaʼansikoʼ

ku muʼukʼaʼankúunsik xan k-fe.

Jach kʼaʼabéet k-pʼáatal tu tséel Dios

tumen naatsʼ le xuʼulsajoʼ.

Le oʼolal kex táan k-muʼyajeʼ

kʼaʼabéet k-eʼesik chúukaʼan k-óol.

2. Mun xuʼulul k-eʼesik yaabilaj

tiʼe Dios k-meyajtikoʼ.

Kex táan u beetaʼal k-muʼyajeʼ

unaj u chúukpajal k-óol.

Mu tuʼubultoʼoneʼ Jéeobaeʼ

mix bikʼin ken u pʼatoʼon.

Letiʼeʼ jach táan u yáantikoʼon

utiaʼal maʼ u lúubul k-óol.

 3. Jach kʼaʼabéet k-eʼesik chúukaʼan k-óol

tiʼ Jéeoba Dios mantatsʼ

tumen beyoʼ yaan k-náajmatik

tuláakle baʼax yaʼalmajoʼ.

Le oʼolaleʼ koʼox tsʼoʼokbesik

le meyaj maas kʼaʼanaʼanoʼ.

Wa k-eʼesik chúukaʼan óolaleʼ

yaan u kiʼimaktal u yóol.