¿Baʼax u Reino Dios?
A tuklikeʼ:
-
¿junpʼéel baʼax yaan t-puksiʼikʼal?
-
¿junpʼéel gobierno yaan teʼ kaʼanoʼ?
-
¿wa uláakʼ baʼal?
LE BIBLIAOʼ KU YAʼALIK
«U Diosil le kaʼanoʼ yaan u tsʼáaik junpʼéel reino mix bikʼin kun xuʼulsbiltiʼ» (Daniel 2:44, Túumben Luʼum).
«Tsʼoʼok u tsʼaʼabaltoʼon juntúul chan xiʼipal. Le gobernaciónoʼ yaan u pʼaʼatal tu kʼab» (Isaías 9:6).
BIX U YÁANTKECH LELAʼ
-
Le gobiernoaʼ jach yaan u yáantik tuláakal máak (Isaías 48:17, 18).
-
Maʼ kun xáantaleʼ yaan u luʼsik le kʼojaʼaniloʼoboʼ yéetel yaan u taasik kiʼimak óolal (Apocalipsis 21:3, 4).
¿JEʼEL WA U PÁAJTAL A CREERTIK BAʼAX KU YAʼALIK LE BIBLIAOʼ?
Jeʼeleʼ, ilawil baʼaxten:
-
Jesúseʼ tu yeʼesaj baʼax ken u beet u Reino Dios. Tu kaʼansaj tiʼ u discípuloʼob ka u kʼáatoʼob ka taalak u Reino Dios yéetel ka beetaʼak baʼax uts tu tʼaan Dios way Luʼumeʼ (Mateo 6:9, 10). Tu yeʼesaj xan bix kun béeytal le baʼax ku kʼáataʼal teʼ oraciónoʼ.
Le ka kuxlaj Jesús way Luʼumeʼ tu tséentaj yaʼabkach máakoʼob, tu tsʼakaj kʼojaʼanoʼob yéetel tu kaʼa kuxkíintaj kimenoʼob (Mateo 15:29-38; Juan 11:38-44). Le baʼaxoʼob tu beetoʼ tu yeʼesaj baʼax ken u beet yoʼolal wíinik kéen gobernarnak way Luʼumeʼ (Apocalipsis 11:15).
-
Le baʼaxoʼob ku yúuchloʼ ku yeʼesik taʼaytak u taal u Reino Dios. Jesúseʼ tu yaʼaleʼ yaan u sen antal guerraʼob, wiʼijil yéetel yaan u tíitkuba luʼum táanil tiʼ u káajal u gobernar u Reino Dios (Mateo 24:3, 7).
Bejlaʼeʼ tuláakal tuʼux táan u yúuchul le baʼaloʼobaʼ. Le oʼolal k-creertik u Reino Dioseʼ maʼ kun xáantal ken u luʼs tuláakal le baʼaxoʼob beetik k-muʼyajoʼ.
TUKULTE
¿Bix wal kun kuxtal máak yáanal u Reino Dioseʼ?
Kaxt u núukil teʼ SALMO 37:29 yéetel ISAÍAS 65:21-23.
Maʼ xaaneʼ jeʼel u yutstal xan ta wicheʼ
BAʼALOʼOB UNAJ A KANIK
¿Baʼax u Reino Dios?
Ka taal Jesús way Luʼumeʼ maases kaʼansajnaj yoʼolal u Reino Dios. Úuch joʼopʼok u kʼáataʼal ka taalak u Reino Dios.
LE MÁAX KU KANANOʼ
¿Baʼax ken u beet u Reino Dios yoʼolal wíinik?
Jesúseʼ u yojel kaʼacheʼ chéen u Reino Dios jeʼel u yutskíintik le problemaʼob yaan way Luʼumeʼ. ¿Baʼaxten k-ojel jaaj le baʼax tu yaʼaloʼ?
BAʼALOʼOB KU NÚUKAʼAL TEʼ BIBLIAOʼ
¿Bix kun antal jeetsʼelil way Luʼumeʼ?
Le Bibliaoʼ ku yaʼalikeʼ u Reino Dioseʼ yaan u taasik jeetsʼelil way Luʼumeʼ.
LE MÁAX KU KANANOʼ
U Reino Dios: junpʼéel gobierno maʼ tun kʼastal
Seis baʼaloʼob eʼesik mix bikʼin kun kʼastal u gobierno Dios.
KʼAJ ÓOLTOʼONIʼ
¿Baʼaxten unaj a xokik le Bibliaoʼ?
Teʼ Bibliaoʼ u millonesil máakoʼob tiʼ tuláakal tuʼux táan u kankoʼob u núukil le kʼáatchiʼob maas kʼaʼanaʼantakoʼ. ¿Kux túun teech?
U KAʼANSAJ LE BIBLIAOʼ
Kʼáat ka tsʼaʼabaktech xook
Kʼáat ka tsʼaʼabaktech xook yéetel le Bibliaoʼ, ilawil bix jeʼel a beetik le baʼax ka kanikoʼ.
