Tiʼ tuláakal yóokʼol kaabeʼ jach yaʼab máak ku sufrir. ¿Kux túun teech yaan wa baʼax beetik a sufrir? Maʼ xaaneʼ táan a sufrir yoʼolal junpʼéel kʼojaʼanil wa tumen kíim juntúul a láakʼtsil. A tuklikeʼ, ¿yaan wa u kʼuchul u kʼiinil u láaj xuʼulul le baʼaloʼobaʼ? Le Bibliaoʼ ku núukik le preguntaaʼ.

1. ¿Baʼax esperanzail ku tsʼáaik le Bibliaoʼ?

Le Bibliaoʼ ku yaʼalik baʼaxten jach yaʼab problemas yaan. Chéen baʼaleʼ ku yaʼalik xaneʼ maʼ kun xáantal kéen láaj xuʼulsaʼakoʼob. Le baʼax ku yaʼalik le Bibliaoʼ ku yáantkoʼon utiaʼal ka ‹xiʼiktoʼon maʼalobil› yéetel utiaʼal ka yanaktoʼon esperanza (xok Jeremías 29:11, 12). Tsʼoʼoleʼ ku yáantkoʼon utiaʼal ka yanaktoʼon kiʼimak óolal kex yaantoʼon problemas. Ku yaʼaliktoʼon xaneʼ maʼ kun xáantaleʼ yaan u yantaltoʼon kiʼimak óolal utiaʼal mantatsʼ.

2. ¿Baʼax ku yaʼalik le Biblia kun úuchul ichil junpʼíit kʼiinoʼ?

Le Bibliaoʼ ku yaʼalikeʼ ichil junpʼíit kʼiineʼ «maʼ tun yantal kíimil, mix okʼol, mix kʼiʼinamil yéetel mix máak kun muʼyaj» (xok Apocalipsis 21:4). Yaan u xuʼulul tiʼ le baʼaloʼob beetik k-sufrir jeʼex óotsilil, kʼasaʼanil, kʼojaʼanil yéetel le kíimiloʼ. Le Bibliaoʼ ku yaʼalikeʼ maʼ kun xáantaleʼ le máakoʼoboʼ yaan u kajtaloʼob tiʼ junpʼéel jatsʼuts paraíso way Luʼumeʼ.

3. ¿Baʼax áantkech a creert yaan u béeytal baʼax ku yaʼalik le Bibliaoʼ?

Yaʼab máakeʼ u kʼáat ka utsak tuláakal baʼal, chéen baʼaleʼ maʼ u yojloʼob wa tu jaajil jeʼel u béeytaleʼ. Wa ka xakʼalxoktik tubeel ‹u Tʼaan Dioseʼ› yaan a tsʼáaik cuentaeʼ tuláakal baʼax ku yaʼalikeʼ yaan u béeytal (Hechos 17:11). Le kéen a xok le Bibliaoʼ ta juunal ken a tsʼáa cuenta jeʼel u páajtal u confiar máak tiʼ le baʼax ku yaʼalikoʼ.

 UTIAʼAL A MAAS NAʼATIK

4. Le Bibliaoʼ ku yaʼalik jeʼel u páajtal a kuxtal utiaʼal mantatsʼeʼ

Ilawil u listail le promesaʼob ku yaʼalik le Bibliaoʼ. ¿Máakalmáak a kʼáat a wil u béeytaliʼ? ¿Baʼaxten?

Múul xokeʼex le teksto ku chíikpajal tu tséel le promesaoʼ, kéen tsʼoʼokkeʼ ka núukikeʼex le preguntaʼobaʼ.

• ¿Ku tsʼáaiktech wa esperanza le tekstoʼobaʼ? ¿Jeʼel wa xan u tsʼáaik esperanza tiʼ a familia yéetel tiʼ a amigoʼobeʼ?

Máans ta tuukul bix jeʼel u kuxtal maak tiʼ junpʼéel lugar beyaʼ:

 5. Le esperanza ku tsʼáaik le Bibliaoʼ jeʼel u yáantkoʼoneʼ

 BAʼAX TSOʼOLI

Le Bibliaoʼ ku yaʼalikeʼ yaan u kʼuchul u kʼiinil u kuxtal máak ich kiʼimak óolal. Leloʼ ku líiʼsik k-óol tumen k-ojleʼ yaan u kʼuchul u kʼiinil u xuʼulul le baʼaxoʼob beetik k-muʼyajoʼ.

Baʼax ta kanaj

• ¿Baʼaxten unaj u kanik u maasil le baʼaxoʼob ku prometertik Diosoʼ?

• ¿Baʼax ku yaʼalik le Biblia kun úuchul maʼ kun xáantaloʼ?

• ¿Bix u yáantkech le Biblia teʼ kʼiinoʼobaʼ?