Abrahán yéetel Saraeʼ tsʼoʼok kaʼach u máan yaʼab años tsʼoʼokok u beeloʼob. Tu pʼatoʼob le jatsʼuts naj yaantiʼob tu kaajil Uroʼ utiaʼal ka kajlakoʼob tiʼ najoʼob beetaʼanoʼob de nookʼ. Kex beyoʼ Saraeʼ kiʼimak u yóol tumen ku confiar tiʼ Jéeoba.

Tumen Sara taak u yantal juntúul u hijoeʼ, tu yaʼalaj tiʼ Abrahán: «Yanak baʼal a wil yéetel in sirvienta. Chéen jaʼaliʼ bey jeʼel u yantal in paalaloʼ». Ka máan kʼiineʼ Agareʼ yanchaj juntúul u hijo, Ismael tu tsʼáaj u kʼaabaʼ.

Ka máan kʼiineʼ, le yaan 99 años tiʼ Abrahán yéetel 89 tiʼ Saraeʼ, xíimbaltaʼaboʼob tumen óoxtúul máakoʼob. Abraháneʼ tu yaʼalajtiʼob ka jeʼelkoʼob yáanal junkúul cheʼ yéetel ka pʼáatkoʼob janal. ¿A wojel wa máax le máakoʼobaʼ? ¡Ángeloʼob! Letiʼobeʼ tu yaʼaloʼob tiʼ Abrahán: «Yaan in suut tuláakʼ año bey jeʼex teʼ kʼiinoʼobaʼ, yéetel Sara a wataneʼ yaan u yantal juntúul u hijo». Saraeʼ tiaʼan kaʼach ichil le najoʼ táan u yuʼubik u tsikbaloʼob. Letiʼ túuneʼ mukul cheʼejnajeʼ ka tu yaʼalaj: ‹¿Tu jaajil wa jeʼel u yantal juntúul in chaambal kex tsʼoʼok in chʼíijleʼ?›.

Ka máan junpʼéel añoeʼ, Saraeʼ anchaj juntúul u chaambal jeʼex tu yaʼalaj u ángel Jéeobaoʼ. Abraháneʼ tu tsʼáaj u kʼaabaʼt Isaak, lelaʼ u kʼáat u yaʼal «cheʼej».

 Le yaan kex cinco años tiʼ Isaakoʼ, Saraeʼ tu yilaj jach ku burlartaʼal Isaak tumen Ismael. Letiʼeʼ taak u kanáantik u hijo le oʼolal bin yiknal Abraháneʼ ka tu yaʼalajtiʼ ka u tojolchʼint Agar yéetel Ismael. Tu káajbaleʼ Abraháneʼ maʼ taak u beetik kaʼachiʼ. Chéen baʼaleʼ Jéeobaeʼ u kʼáat u kanáant xan Isaak, le oʼolal tu yaʼalaj tiʼ Abrahán: ‹Uʼuy baʼax ku yaʼaliktech Sara. Teen kin kanáantik Ismael. Chéen baʼaleʼ le baʼaxoʼob in waʼalmoʼ yaan u béeytal tu yoʼolal Isaak›.