Jesucristoeʼ tu yaʼalaj tiʼ u disipuloʼob: «Juulnak a sáasileʼex tu táan le máakoʼoboʼ, utiaʼal ka u yiloʼob le maʼalob baʼaloʼob ka beetkeʼexoʼ yéetel ka u tsʼáaʼob nojbeʼenil tiʼ a Taataʼex yaan teʼ kaʼanoʼ» (Mateo 5:16). Utiaʼal k-beetik leloʼ ku meyajtoʼon le túumben baʼaxoʼob ku bin u beetaʼaloʼoboʼ, ichil lelaʼ táakaʼan le baʼaxoʼob ku beetaʼal ich Internetoʼ. Utiaʼal a wilik baʼax ku creertik yéetel baʼaxoʼob ku yúuchul ichil u kaajal Jéeobaeʼ, ilawil le sitio jw.org/yua. ¿Baʼax yaan teʼ sitiooʼ?

Ku núukaʼal yéetel le Biblia le kʼáatchiʼob suukaʼan u beetik máakoʼ. Techeʼ yaan a wilik u núukil jujunpʼéel tiʼ le kʼáatchiʼob maas kʼaʼanaʼantak tsʼoʼok u beetik máakoʼ. Jeʼex le tratado ¿Yaan wa u xuʼulul k-muʼyaj? yéetel ¿Jach wa tu jaajil jeʼel u kaʼa kuxtal le kimenoʼoboʼ?, sutaʼanoʼob ich maas tiʼ seiscientos idiomaʼob. Yaan xan a wilik le Biblia U Suttʼaanil Túumben Luʼum jóoʼsaʼan ich maas tiʼ ciento treinta idiomaʼob yéetel uláakʼ áantajoʼob beetaʼan utiaʼal u xoʼokol le Bibliaoʼ, jeʼex le libro ¿Baʼax jach tu jaajil ku kaʼansik le Bibliaoʼ?, bey xan le revistaʼob U Pʼíich Tulumil Kanan yéetel ¡Despertad! maas túumbentakoʼ. Yaʼab tiʼ le jóoʼsaʼaniloʼobaʼ jeʼel u páajtal u xoʼokloʼob wa u yuʼubaʼaloʼob desde teʼ sitiooʼ, wa jeʼel xan u páajtal u yéemsaʼal utiaʼal xokbileʼ, tiʼ formato MP3, PDF wa EPUB. Jeʼel xan u páajtal a imprimirtik jujunpʼéel tiʼ le juʼunoʼob yanoʼob ichil le idioma a wojloʼ, utiaʼal a weʼesik tiʼ juntúul wa máax taak u kaanbal tiʼ le Bibliaoʼ. Tsʼoʼoleʼ jeʼel u páajtal xan a wéemsik le videoʼob yaan ichil le jejeláas señas ku beetaʼaloʼ, paaxoʼob jatsʼutstakoʼob, u xookil le Biblia tsʼaʼan u mejen juumiloʼoboʼ yéetel dramaʼob jóoʼsaʼanoʼob teʼ Biblia utiaʼal a wuʼuyik tiʼ jeʼel baʼalak súutukiloʼ.

Baʼaxoʼob ku yúuchul ichil u kaajal Jéeoba. Teʼ sitio xanoʼ yaan u tsʼaʼabal videoʼob bey xan le baʼaxoʼob maas túumbentak yaan yil yéetel le kʼaʼaytajoʼ, le baʼaxoʼob ku yúuchul tiʼ u j-jaajkunajoʼob Jéeobaoʼ yéetel le bix u yáantaʼal le sukuʼunoʼob ku muʼyajoʼoboʼ. Tsʼoʼoleʼ yaan xan u chíikpajal le tuʼuxoʼob kun beetbil asambleaʼob yéetel yaan a wilik bix jeʼel u páajtal a tʼaan tiʼ u najiloʼob Beteleʼ.

Tuláakal lelaʼ ku yáantaj utiaʼal ka juulnak u jaajil tak teʼ tuʼuxoʼob maas náachtak tiʼ le Luʼumaʼ, beyoʼ tak le máaxoʼob yanoʼob teʼ Antártida jóoʼsik u yutsiloʼ. K-orar tiʼ Jéeoba «utiaʼal ka seguernak u séeb kʼiʼitpajal [...] u tʼaan» tiʼ tuláakal yóokʼol kaab utiaʼal u nojbeʼenil (2 Tesalonicailoʼob 3:1).

• ¿Bix u yáantaj le sitio jw.org/yua utiaʼal ka maas kʼaj óoltaʼak u jaajil tumen le máakoʼoboʼ?

• ¿Baʼaxoʼob jeʼel a kaxtik teʼ sitio yaantoʼon ich Internetoʼ?