Abrahán yéetel Saraeʼ jach u yaabiltmubaʼob kaʼachi yéetel maʼalob u biskubaʼob (Gé 12:11-13; 1Pe 3:6). Baʼaleʼ yoʼolal le kʼebanoʼ ku yantal kaʼach problemaʼob tiʼob. Wa tsʼokaʼan a beeleʼ, ¿baʼax jeʼel a kanik tiʼ Abrahán yéetel Saraeʼ?

Jach kʼaʼabéet a múul tsikbal yéetel a núup. Wa táan u kʼuuxil a núup yéetel ku kʼáatnúuktik a tʼaaneʼ maʼ a jáan kʼuuxil, baʼaxeʼ ilawil a naʼatik bix u yuʼubikuba (Gé 16:5, 6). Máans tiempo yéetel a núup. Eʼes a yaabiltmaj yéetel aʼaltiʼ. Maʼ u tuʼubultech xaneʼ jach kʼaʼanaʼan a chʼaʼik en cuenta Jéeoba, le oʼolaleʼ múul xookneneʼex, orarneneʼex yéetel meyajteʼex Jéeoba (Ec 4:12). Le máaxoʼob ku beetkoʼob beyaʼ ku taaskoʼob nojbeʼenil tiʼ Jéeoba, le Máax beet u yantal le tsʼoʼokol beeloʼ.

CHAʼANT LE VIDEO LE BAʼAX JEʼEL U YÁANTKEʼEX A MAAS YAABILTABAʼEXOʼ, TSʼOʼOLEʼ NÚUK LE KʼÁATCHIʼOBAʼ:

• ¿Baʼax eʼesik táan kaʼach u káajal u kʼastal bix u biskuba Miguel yéetel Karla?

• ¿Baʼaxten maʼalob ka u yaʼal máak tiʼ u núup jach bix u yuʼubikuba?

• Le bix tu tratartiluba Abrahán yéetel Saraoʼ, ¿bix tu yáantil Miguel yéetel Karla?

• ¿Baʼax tu beetaj Miguel yéetel Karla utiaʼal u kaʼa biskubaʼob maʼalob?

• ¿Baʼaxten yaan horaeʼ jeʼel u yantal problemaʼob ichil le tsʼokaʼan u beeloʼoboʼ?